Albistea entzun

BI AHOTSETARA

Grabitate zentroa (eta II)

Gorka Erostarbe Leunda -

2021eko maiatzak 30

Rafa Berrioren omenaldi emanaldietan alma mater-a Joserra Senperena musikari polifazetikoa izan da, 1971 disko gogoangarrian —bere berpizte musikala ekarri zuena nolabait— soinu gidari izan zen berbera. Omenaldi horietan gisa eta molde askotako musikariak bildu ziren; bildu ziren sarri askotan elkarri bizkarra emanda bizi izan diren bi kultur komunitate ezberdin ere: gaztelaniaduna eta euskalduna, euskalduna eta gaztelaniaduna. Dena garbi esaten hasita, ohikoagoa izan da Donostian pisu handiagoa izan duen pop gaztelaniadunak bizkarra erakustea euskaldunari, eta ez alderantziz. Bere ibilbideko azken partean euskararen musika unibertsoko musikariak taldera bildu zituen Berriok: Rafa Rueda, Joseba Baleztena, Mursego, Joseba Irazoki, Felix Buff... Musikari horien hautaketan Senperenak zerikusi handia izango zuelakoan nago.

Azken hiru hamarkadatako Donostiako pop musikaren pieza esanguratsuetako bat izan da Senperena, gaztelaniaz egin izan den pop musikaren kolaboratzaile ohikoa (21 Japonesas, Duncan Dhu, La Buena Vida, Amateur, Rafa Berrio...), baina era berean, euskararekin eta euskal kulturarekin konpromiso irmoa izan duena. Eta hori ez da hain ohikoa izan mundu horretan, batere ez. Euskara aldiro landu ez ezik, Bide Ertzean taldeko kidea izan da, euskal idazleekin kolaboratu du (Harkaitz Cano, Kirmen Uribe, Patxi Zubizarreta, Arantxa Urretabizkaia...) eta bere bakarkako ia disko guztiak euskaraz bataiatu ditu (Blues pasadizoak, Dardaren interpretazioa, 9 ganbera pieza, Existentzia minorrak…).

Bere jarduera pertsonala estimatzen dut, nola ez ba, baina modu bertsuan estimatzen diot euskal musika, euskal kultura, inguruko kultura gaztelaniadunari helarazteko lana. Ez da bakarra izan Donostia aldean bi kulturen arteko zubi lan hori egiten ziur naiz hiriburu bakoitzean izango dela jendea. Oso estuki lotuta ikusten ditut Mikel Iturria kazetariaren lana euskarazko elkarrizketak gaztelaniara itzuliz, adibidez eta Giorgio Bassmatti musikariarena ere.

Bihoakie aitortza, grabitate zentroa zubi lan horretan duten horiei. Grabitate zentroa mugiarazten digutenei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...