Albistea entzun

Izarraren itzalpean

George Clooneyren presentziak bigarren mailan utzi du Sail Ofizialeko lehia Berlinalen

Agentziak -

2014ko otsailak 9 - Berlin

George Clooneyk eta haren taldeak komunikabide guztien eta publikoaren arreta bereganatu zuten atzo Berlinalen, eta Sail Ofizialean aurkezten zuten bigarren filma, Die geliebten Schwestern —Clooneyren Monuments Men ere Sail Ofizialean dago baina lehiaketatik aparte— bigarren mailan gelditu zen ezinbestean.

Monuments Men-en Clooneyk II. Mundu Gerrara egin du atzera, tropa aliatuek Normandia hartu zuten garaira. Hara iritsiko dira Clooney aktorea eta haren taldekideak, bonbardaketetatik eta nazien lapurretatik salbu gelditu diren artelanak berreskuratzeko asmoz. Gertaera historikoak helduleku gisa hartuta, zuzendariak abenturazko filma egin du Monuments Men-ekin, bere pertsonaia on —aliatuak— eta gaizto-gaiztoekin —naziak—, nahiz eta aktore eta zuzendariak behin eta berriro aipatu zuen «historia» filmaren ardatz gisa. «Interesatzen zait historia, interesatzen zait artea. Eta hemen, Alemanian, izateko pribilegioa izan nuen». Monuments Men ekoizpen handia da, aktore ospetsuekin egindakoa, eta haietako batzuk —Matt Damon, Bill Murray, John Goodman, Jean Dujardin— ondoan izan zituen atzo Berlinen.

Clooney eta haren troparen agerraldiaren itzalpean aurkeztu zuten goizean goiz Die geliebten Schwestern, Dominik Graf alemaniarraren azkeneko filma. Filmak Friedrich Schiller poetak bi ahizparekin —Caroline eta Charlotte— izandako maitasun istorioa kontatzen du 170 minututan, eta Hannah Hertzsprung, Henriette Confirius eta Florian Stetter ditu protagonista nagusiak.

Alemaniarraren filmak harrera epela jaso zuen prentsarentzako emanaldian, eta kritikak batik bat filmaren edertasun estetikoa nabarmendu zuen; ez horrenbeste hiru aktoreen lana.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Karmele Mitxelena eta Iñaki Cid Larrea, beren lan argitaratu berriak eskuetan, Donostian. ©GORKA RUBIO / FOKU

Karmele Mitxelenaren eta Iñaki Ciden lanak argitaratu dituzte

Itziar Ugarte Irizar

'Haragizko mamuak' du izenburu Mitxelenaren lehen narrazio liburuak, eta 'Behin batean Loiolan' antzerkiaren alorreko Ciden lanak. Donostia Hiriko Kutxa Literatura sariak irabazi dituzte biek, eta Elkarrek eman ditu lanok argitara.

 ©MARISOL RAMIREZ / FOKU

Aurtengo Durangoko Azokak argitu dezakeen argazkia

Itziar Ugarte Irizar

Digitalizazioaren aroak galdera ikur handiak ezarri ditu musikagintzaren sektorean. Nabarmen aldatu da musika banatzeko era, eta Durangoko Azokan ere gero eta begi-bistakoagoa da hori. Eredu bat agortzear sumatu arren, formatu fisikoaren aldeko jarrerari eusten diote gehienek.

Mona Hatoum artistaren <em>Still Life</em> instalazioa, Donostian. ©GORKA RUBIO / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...