Albistea entzun

Donostiako 60. Zinemaldia

Semea, etikaren gainetik

Istripu batean hildako haurraren absentziaz eta tradizioaren indarraz hitz egin du Emily Tangek 'All Apologies' filmean

Txinako landa eremu baten erretratu garaikide gordina egin du zuzendariak
Emily Tang zuzendaria eta Cheng Taishen filmeko aktore nagusia, atzo Donostian.
Emily Tang zuzendaria eta Cheng Taishen filmeko aktore nagusia, atzo Donostian. GARI GARAIALDE/ ARGAZKI PRESS

Igor Susaeta -

2012ko irailak 27 - Donostia

Emily Tang zuzendariak natural bota zuen prentsaren aurrean, atzo, Donostian: «Seme bat edukitzea oso gauza garrantzitsua da Txinan». Jakinarazi zuen gaiaren inguruko esaera zahar asko daudela bere herrialdean, eta horietako batek hau dioela: «Semerik ez badaukazu, zure erroak galduko dituzu». Eta, hain zuzen, istripu batean hildako haur baten, mutiko baten absentziaz, eta horrek bai umearen gurasoei eta bai bizilagunei ekarriko dizkien ondorio dramatikoez mintzo da All Apologies, Tangek Sail Ofizialean aurkeztutako filma. Egungo Txinako landa eremuetan tradizioak duen indarra erakutsi du, seme bat edukitzea, erroak ez galtzea, etika ororen gainetik dagoela demostratuz.

Izan ere, emaztea jada haurdun geratu ezin denez, istripua eragin duen gizonaren emazteari, bizilagunari, seme batekin konpentsatu dezala eskatuko dio Chengek. Ez du dirurik nahi, erroei eustea baizik. Berotan hartu eta hotzean mantendutako erabaki horrek gorpuztuko du filmaren trama. Gordina da kontakizuna, artifiziorik gabekoa, baina Tangi iruditzen zaio aurretik egin zituen bi filmak —Perfect Life (2008 eta Conjugation (2001)— «sentiberagoak» zirela. Pentsatzen du filmean erakusten diren egoerak gertatzea ez dela «hain arraroa» Txina barnealdean. «Landa eremuetako jendearen bizimodua nolakoa den erakutsi nahi nuen».

Filmak «sentimenduez, maitasunaz eta bizitzaz» hitz egiten du, hildako mutikoaren rola jokatzen duen aktorearen, Cheng Taisheren, ustez. «Erakusten du nola aldatzen den bi familien bizitza, baina abiapuntua bizitzarekiko maitasuna da». Erantzunarekin harrituta, zuzendariari galdetu zitzaion ea feminismoaren aldarrikapena egin nahi ote zuen. Esan zuen Txinako hirietan ez dela hainbesterainokoa gizonezkoen eta emakumezkoen arteko aldea, baina landa eremuetan, oraindik ere handia dela. Eta jarraian, prentsa agerraldia hartzen ari zen tonuarekin harrituta-edo, erantzuna osatu nahi izan zuen filmaren ekoizleetako batek: «Baina hori ez da soilik Txinan gertatzen den gauza bat».

Pelikula ezbehar batetik abiatzen da, eta zuzendariari esan zitzaion bukaera ere zorigaiztokoa duela. Ez zegoen ados: «Nire ustez, nahiko irekia da. Izan ere, bizitzan inoiz ez dakigu nola bukatuko dugun».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zugaza, Herraez, Gonzalez, Zupiria eta Ormazabal, gaur, Gasteizen. ©IREKIA

Euskal artisten 26 artelan erosi dituzte museoek, Jaurlaritzak diruz lagunduta

Aitor Biain

Artium museoak, Biboko Arte Ederren Museoak eta Tabakalerak elkarrekin erosi dituzte 18 euskal artistaren obrak, 200.000 euroko ezohiko diru laguntza bati esker.

2023ko Bertsoaoa zikloko irudia, Leire Urbeltzek egina. ©Nafarroako Bertsozale Elkartea

Iruñeko Bertsoaroa otsailaren 9tik martxoaren 2ra eginen dute

Berria

Nafarroako Bertsozale Elkarteak eta Iruñeko Udalak antolaturik, sei emanaldirekin osatu dute zikloaren egitaraua. Lehenbiziko aldiz, bertso afari bat ere izanen da.

Gorka Moreno, Amaia Ozerin eta Patxo Telleria, gaur goizean, 'Sormen Ola' proiektuaren aurkezpenean. ©OSKAR MATXIN EDESA / FOKU

Gazteentzako tailer sorta bat antolatu dute Loraldiak eta EHUk

Olatz Enzunza Mallona

Gazteen artean euskal kulturaren transmisioa sustatzeko asmoz, Sormen Ola programa abiatu dute Loraldiak eta EHUk. Parte hartzaileek formakuntza tailerrak jasoko dituzte hilean behin, sortzaile profesionalek gidatuta. Larunbatean egingo dute lehenengo saioa.

Slawka Grabowska eta Amaia Garcia antolatzaileak, Mari Jose Telleria Gipuzkoako Kultura diputatua eta Olatz Osa Elkar argitaletxeko zuzendaria, gaur goizean, jaialdiaren aurkezpenean. ©Jon Urbe / Foku

Otsailean egingo dute Lumafest jaialdia Donostian, bigarrenez

Naroa Torralba Rodriguez

Zabalik dago mikrokontakizunak bidaltzeko epea. Otsailaren 9tik 11ra tailerrak eta hitzaldiak izango dira Koldo Mitxelena kulturunean.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...