Albistea entzun

Sortuk eskualdeak indartu nahi ditu bere antolaketan

Amaitu du antolaketa ereduari buruzko eztabaida, eta otsailaren 23an egingo du lehen batzarra
Sorturen eratze prozesuaz ostiralean egindako agerraldia.
Sorturen eratze prozesuaz ostiralean egindako agerraldia. JON URBE / ARP

Maite Alustiza -

2013ko urtarrilak 27 - Donostia

Beste pauso bat eman du Sortuk bere eratze prozesuan. Azaroaren erdialdetik oinarri ideologikoak eta ildo politikoa finkatzeko hainbat batzar egin ondoren, alderdiaren antolaketa ereduaz eztabaidatu zuten atzo, hirugarren eta azken saioan. Hego Euskal Herriko hamarnaka hiri eta herritan izan ziren batzarrak, 240tan, hain justu. Egitura zabaltzea, eskualdeei lehentasuna ematea eta Batzar Nazionala indartzea dira alderdiak dituen apustuetako batzuk.

Egitura zabaltzearekin, parte hartzaileagoa den eredu bat garatu nahi du alderdiak. Horretarako, «jende gehiago eta inplikatutako militante gehiago» batzea beharrezkotzat jo du Maribi Ugarteburu ezker abertzaleko bozeramaileak: «Egunero borroka politiko eta sozialetan parte hartzen duten lagun guztiek Sortun ordezkaritza eta ardura izan dezaten nahi dugu». Santurtziko batzarrean izan zen Ugarteburu, eta «erronka» gisa aipatu zuen funtzionamendua berritzea, helburu batekin: nazio eraikuntzan eta gizarte eraldaketan aurrera egin ahal izatea.

Erakundeetan egin beharreko jardueratik haratago, «kaleko lana» indartzea izango du xede Sortuk. Hori posible izan dadin, antolaketa funtsezkoa dela uste du. Baina, zer-nolako antolaketa? Eskualdeak izango dira indarguneetako batzuk. Lehentasuna eman nahi diete, «gure bizitza gero eta gehiago eskualde mailan egituratzen baita». Horien funtzionamendua bermatu ahal izateko, Hegoaldeko eskualde guztien eta Kontseilu Nazionalaren arteko lotura oinarrizkoa izango dela iritzi diote.

Eskualdeei lehentasuna ematearekin batera, Batzar Nazionala sendotzea da Sorturen beste nahietako bat. Horretan, herri eta auzo guztiak egongo dira ordezkatuta, eta «erabakitzeko gune» bihurtuko da. Horregatik, maizago bilduko dira.

Batzarra, otsailaren 23an

Otsailaren 23a da Sortuk egutegian gorriz markatuta duen hurrengo eguna: bere lehen kongresua egingo du, kongresu eratzailea, Iruñean. Aurretik, hilaren 16an, Sortun ardurak izango dituzten kideak hautatuko dituzte, barne hauteskundeen bitartez. Iruñeko batzarrean, berriz, oinarri ideologikoen txostenaren eta hari egindako ekarpen eta zuzenketen bozketa egingo dute, besteak beste. Txosten horrek 400 zuzenketa inguru jaso ditu, alderdiak abenduan jakinarazi zuenez. Eratze prozesuaren bigarren fasean, ildo politikoari dagokionez, 900 zuzenketa baino gehiago bildu zituzten. Jasotako zuzenketa kopuruak eztabaida «mamitsuak» erakusten dituela uste dute, eta orain arte prozesuak izandako harrera ontzat jo dute: 6.000 parte hartzaile, eta horien artean erdiak baino gehiago, 35 urtetik beherakoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.