Albistea entzun

Sorturen kongresu bezperan nazioarteko konferentzia bat egingo dute gatazkei buruz

Iruñean izango da konferentzia, hilaren 22an, eta alderdiaren aurkezpen soziala ere bai, hurrengo egunean
Hasier Arraitz eta Joseba Alvarez, atzo.
Hasier Arraitz eta Joseba Alvarez, atzo. JUAN CARLOS RUIZ / ARGAZKI PRESS

Oihana Elduaien -

2013ko otsailak 9 - Donostia

Sortu alderdia eratzeko prozesua aurrera doa pausoz pauso eta herriz herri. Lanaren azaleratzea hilaren 22an eta 23an egingo dute. Iruñea izango da ezker abertzalearen erdigunea bi egun horietan, alderdia eratzeko kongresua ez ezik nazioarteko konferentzia bat ere egingo baitute, gatazken konponbideei buruz.

Ostiralean, 22an izango da konferentzia, «oraindik konpondu ez diren gatazkak eta toki horietako esperientziak ezagutzea» helburu dutela. Baluarten egingo dute, eta Kolonbia, Kurdistan, Palestina eta Saharako ordezkariak izango dira, besteak beste.

Nolanahi ere, larunbatera begira egongo dira foku gehienak, orduan jakingo baita nork osatzen duten alderdiko zuzendaritza, Kontseilu Nazionala izena jarri diotena. Goizean egingo dute kongresua, eta arratsaldean aurkeztuko dituzte aukeratutako taldea eta alderdia, Anaitasunan egingo duten ekitaldi publikoan.

«Izen dantza handia da, baina egun horretara arte ez da jakingo nortzuek osatzen duten. Herrietan bozkatu behar dira plantilak, eta boto guztiak zenbatu behar dira», esan zuen atzo Joseba Alvarezek. «Parte hartu dutenenganako errespetuagatik, haiek izango dira plantilak ezagutzen aurrenak», gaineratu zuen Hasier Arraizek. Kazetarien galderei erantzunez, argitu zuten presoak ez direla egongo ardura postuetan, «kartzelan daudenez ezin dituztelako zereginak bete».

Arraizen beraren izena prentsan agertu da, eta zuzendaritzako kide izango dela esaten zen. Arraizek eta Alvarezek atzo argitu zuten bozketarik egin ez denez ez dagoela hori baieztatzerik, baina esan zuten aukeratuko balituzte lanerako prest daudela, bai berak eta bai beste hainbat. «Ezker abertzalean konpromiso militantea beti egon da; orain ere badago, eta gero ere egongo da, bide honi ilusioz egiteko», esan zuen Arraizek.

Kongresuan behin betiko ponentziari oniritzia ematea ere espero da. Nazioarteko zein bertako beste alderdi batzuetako gonbidatuez gain, alderdiko 450 ordezkarik hartuko dute parte Kongresuan. Herri eta auzo batzarretan aukeratuko dituzte 450 lagun horiek, eta «horiek bakarrik» izango dute botoa emateko eskubidea».

Ordezkariak aukeratzeaz gain —hilaren 16an izango dituzte horretarako barne hauteskundeak—, lan gehiago ere badituzte egiteko herrietan. Ildo politikoaren txostenaren zuzenketei buruz erabaki behar dute.

Alvarezek azaldu zuenez, 520 zuzenketa jaso dituzte, batik bat sei gaitan. Militantzia ereduak sortu du eztabaida; batetik, «militantzia ulertzeko modu berri bat» proposatu dute; demokrazia parte hartzailearen filosofia alderdi barrura nola eraman ere kezka iturri izan da; barne korronterik ezean, ideologia gune ezberdinak antolatzeko moduak zuzenketa andana ekarri du; borroka moldeen erabilera —masa borroka, instituzionala eta ideologikoa— eta bateragarritasunak ere iritzi asko sortu dute; alderdi feminista izateko jarri beharreko instrumentuak ere hizketagai izan dira; eta azkena, eskualdeen antolaketa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Usurbilgo udaletxea. ©NOAUA

Usurbilgo Sagardia plazaren izena aldatzea exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.