Albistea entzun

'Livide' filmarekin hasiko da Donostiako Beldurrezko Zinema Astea, hilaren 29an

Hogei film luzek hartuko dute parte azaroaren 4ra bitartean Ikusleen Saria eskuratzeko lehian
<em>Livide</em> filmarekin, Dario Argentoren lana omendu nahi izan dute zuzendariek.
Livide filmarekin, Dario Argentoren lana omendu nahi izan dute zuzendariek. BERRIA

Erredakzioa -

2011ko urriak 21 - Donostia

Alexander Bustillok eta Julien Mauryk zuzendutako Livide ekoizpenarekin hasiko da, urriaren 29an Donostiako Fantasiazko eta Beldurrezko Zinemaren Astea. 22. ekitaldia du aurtengoa zinema asteak, eta bertan hogei film luze lehiatuko dira, ikusleek ematen duten 6.000 euroko saria eskuratzeko. Zinema astea azaroaren 4an amaituko da, Alejandro Bruguesek zuzendutako Juan de los muertos komediarekin. Azken hori lehiatik kanpo emango dute.

Sail ofizialean emango dituzte, besteak beste, Kevin Smithen Red State eta Joe Cornishen Attack the Block. Smithen filmak Sitgeseko zinema jaialdiko sari nagusia irabazi du aurten, eta Cornishen ekoizpenak ere arrakasta handia lortu du jaialdi berean. Horietaz gain, beste batzuen artean, ikusmin handia piztu duten hainbat film eskainiko ditu Donostiako zinema asteak: The Devil's Rock (Paul Campion), The Orphan Killer (Matt Farnsworth), Saint (Dick Maas), Tomie Unlimited (Noboru Iguachi), Troll Hunter (Andre Ovredal).

Ohi bezala, Donostiako Fantasiazko eta Beldurrezko Zinemaren Asteak film laburren saila ere izango du aurten, eta hor hamabost film lehiatuko dira hiru sari eskuratzeko: Publikoaren Saria, Nazioarteko Epaimahaiaren Saria eta Epaimahai Gaztearen Saria.

Film «kaltegarriak»

Beren garaian gizarteak kaltegarritzat jo zituen hainbat film ere ikusi ahal izango dira Donostian. Zatoz eta Begira zikloak zortzi film jasoko ditu, guztiak ezagunak «ezusteko gaiak edota jasanezinak» landu dituztelako: La semana del asesino (Eloy de la Iglesia), Tras el cristal (Agusti Villaronga), Seul contre tous (Gaspar Noe), A Clockwork Orange (Stanley Kubrick), Cannibal Holocaust (Ruggero Deodato), Peeping Tom (Michael Powell), Possession (Andrzej Zulawski) eta Thriller. A Cruel Picture (Bo Arne Vienius).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MARISOL RAMIREZ / @FOKU

Berriro ere topagunea da

Ainhoa Sarasola

Iazko etenaren ondotik, aurrez aurrekoa izatera itzuli da Durangoko Azoka, eta, edukiera mugarekin, jendez bete da berriro ere Landako Gunea. Txandaka joan dira sartzen bisitariak, pilaketarik gabe

 ©ARITZ LOIOLA / FOKU

«Nahikoa lan izan dugu atzerakadari eusten»

Iñigo Astiz

Loiola, festara etorri, eta kulturak harrapatu zuen bere lehen Durangoko Azokan, eta Del Campo sormenerantz bultzatu du pandemiak. Landakon ezagutu dute elkar.

Myriam Miranda, Igor Muniategi, Amaia Ozerin eta Maite Bidarte, atzo, Landako guneko areto nagusian. ©MARISOL RAMIREZ / FOKU

Bidea urratzeko lanabesak

Andoni Imaz

Sortzaileei euren jardunean laguntzeko zenbait tresna azaldu dituzte mahai inguru batean: egile eskubideei, kontratazioari eta zabalkundeari buruzko argibideak eman dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.