Datorren urtetik aurrera, PANek lurralde palestinarretako nekazaritza eta arrantza produktuak saldu ahal izango dizkie Europako Batasuneko herrialdeei, inolako zergarik ordaindu gabe. Halaxe erabaki zuen atzo Europako Parlamentuak.
Orain arte, Israelgo aduana zerbitzuak kontrolatu izan ditu palestinarren produktuak. «Europako merkatua zabaltzea hango merkataritza eta ekonomia hobetzeko laguntza izango da, eta baita eskualdea berreraikitzeko ere», azaldu du Eleni Koppa Greziako sozialistak. Akordioak hamar urteko balioa du, baina iraupena luzatu egin ahal izango da. Itunaren «balio sinbolikoa» nabarmendu du Dacian Ciolos EBko Nekazaritza komisarioak.
Palestinarrekin merkataritza harremanak izatea onartu du Bruselak
Iruzkinak
Ez dago iruzkinik
Ordenatu
