Albistea entzun

Ionan Marigomez. Biologia doktorea

«'Prestige'-ren hondoratzea aurreikus zitekeen; ez zen kasualitatea izan»

MONIKA DEL VALLE / ARGAZKI PRESS

Irati Sarasua Arabaolaza -

2012ko abenduak 16

Ionan Marigomez Biologia doktoreak esan du zaila dela Prestige-ren isuriek eragindako kalteak zein diren praktikan jakitea. Baina berretsi du hango ekosistema ez dela lehengoa. Marigomezek hitzaldia eman du Bilbon.

Prestige-ren hondamendiaren ondorioz, zein zientzia ezagupen berri lortu dituzue?

Ikasi dugu zer egin behar dugun horrelako isuri bat berriro gertatzen bada. Prestige hondoratu zenean ez geneukan ez daturik, ez irizpiderik eta ezta prestakuntzarik ere horrelako zerbaiti erantzuna emateko. Ez genekien zenbaterainoko eragina izango zuen, ezta zenbat denbora iraungo zuen ere. Oso gauza puntualak genekizkien. Ondoren, lau urtez izugarrizko ekintzak egin ziren ikerketaren aldetik. Proiektuak egiteko diru laguntzak eta funtsak zeuden, baina gehienak 2006 eta 2007an amaitu ziren. Ikusi dugu jarraipen programa bat behar dela, pixkanaka gauzak nola doazen eta ondorioak nolakoak eta zenbaterainokoak diren jakiteko.

Hainbat ekologista taldek eta herritar elkartek salatu dute ez dela ikerketa sakonik egin. Egia al da?

Ikerketa integratu asko egin dira, eta datu kopuru ikaragarria lortu da. Baina egia da ez dela egin halako tratatu bat. Eta seguru asko, ikertzaileok ez ditugu behar bezala zabaldu ditugun datuak. Ez dugu asmatu. Gainera, kudeaketaz arduratzen direnek ez dute ardura handirik azaldu; ez digute ezer galdetu, eta ez dakite guk zer dakigun.

Neurtu al daiteke isuriak izandako eragina?

Teorian bai, baina praktikan ez daukagu nahikoa datu. Isurketa gertatu zen lekuan kutsadura kronikoa dago. Inguru urbanizatua eta industrializatua da, eta horrek interferentziak sortzen ditu. Batzuetan zaila da bereiztea isurketaren ondorioa den edo kutsadura kronikoarena. Klima aldaketak ere eragina du.

Nola eragin die isurketak kutsatutako eremuei eta ekosistemari?

Ez zen hilabete bateko edo bi asteko kontu bat izan. Bi urtez Portugaletik Hondarribira bitartean izan zuten eragina ontziaren isurketek: arrainei, organismoei, planktonari eragin zion… Hondoratzea gertatu eta urtebetera, konposatu kimikoen neurria oso baxu zegoen leku guztietan. Horrez gain, 2006. urtean oraindik ere zehar kalteak ikusi genituen.

Posible izango da eremu haiek guztiz lehengoratzea?

Agian, lehengoratu dira, baina ez dira lehen ziren bezalakoak izango. Ekosistema ez da estatikoa. Aldatzen da, itzultzen da lehengora, baina desberdina da.

Aurreikus zitekeen Prestige-ren istripua ?

Prestige-ren hondoratzea aurreikus zitekeen; ez zen kasualitatea izan. Non gertatu zen? Costa da Morten, mundu osoan itsasontzien mugimendu gehien duen lekuetako batean. Batez ere, petrolioa garraiatzen duten itsasontziak pasatzen dira handik. Beraz, hondoratze bat gertatzekotan, petroliontzi batek izan behar zuen. Ez zen kasualitatea, probabilitateen batura besterik ez da. Petrolio isurketen mapa ikusita, erdia baino gehiago han gertatu dira. Gainera, ontzia bera desastre bat zen; ez zegoen inolako kontrolik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arabako, Bizkaiko eta Gipuzkoako erakundeetako arduradunak izan dira BECen, gaurko aurkezpenean ©Irekia

Zaintza ereduaren «paradigma aldaketa» jaso du Jaurlaritzaren estrategia soziosanitario berriak

Edurne Begiristain

2021-2024 aldirako estrategia soziosanitarioa aurkeztu dute Arabako, Bizkaiko eta Gipuzkoako instituzio nagusiek. Besteak beste, «adinekoak beren etxean edo etxe baten antzekoak diren zentroetan» bizitzea sustatuko dute.

Ibaetako Campusean duela hilabete batzuk egindako manifestazioa. ©GORKA RUBIO/FOKU

Eraso sexista bat salatu dute EHUko Ibaetako campusean

Berria

Arkitektura Fakultateko irakasle batek ikasleei eraso sexista bat egin ziela salatu dute UIB Unibertsitateko Indar Batasunak eta Arrakala emakume taldeak. EHUri leporatu dio gertakariari buruzko «informaziorik» ez ematea.

Aste honetan Haurrak Bai-k deituta Ataungo Joxemiel Barandiaran herri ikastetxean egin duten eserialdia. / ©Goierriko Hitza

Jolasgaraian 12 urtetik beherakoak maskara janztera derrigortzen dituen aginduari eutsiko dio Jaurlaritzak

Jon Ordoñez Garmendia

Gotzone Sagarduik argudiatu du haurrak babesteko neurri bat dela, eta esan du gaur egungo egoera ez dela ona.

'Martin Ugalde eta Egunkaria' hitzaldia

Sokaren bi muturrak batu zituen «ametsa»

Julen Aperribai

'Euskaldunon Egunkaria' sortzeko egitasmora batzean Martin Ugaldek egindako hautuaz eta proiektua abiarazteko zailtasunez aritu da Iñaki Uria, Ugalderen jaiotzaren mendeurreneko hitzaldietan bigarrenean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.