Sudanen eta Hego Sudanen mugan gogortu egin dira borrokak

«Gerraren bidea» aukeratu izana leporatu dio Khartumek Jubari, eta bertan behera laga dituzte negoziazioak

Erredakzioa -

2012ko apirilak 13

Sudango Gobernuak jakinarazi du bere armadak «berehala» berreskuratuko duela Heglig eskualdea. Joan den astearteaz geroztik, Hego Sudanen esku dago petrolio erreserba handiak dituen ingurua. Bi herrialdeen arteko mugan dago Heglig, eta bai Khartumek eta bai Jubak eurentzat aldarrikatzen dute.

Azken asteetan borrokak gogortu egin dira bi herrialdeen arteko mugan. Izan ere, eremu horietan daude petrolio erreserba handienak: Hegligen eta Abyein. Hegligen, esaterako, Sudango petrolioaren %70 dago. NBE Nazio Batuen Erakundeak, AB Afrika Batasunak eta Arabiar Ligak tropak Hegligetik ateratzeko eskatu arren, Salva Kir Hego Sudango presidenteak berretsi du bere armadak ez duela atzera egingo. «Gerraren bidea» aukeratu izana leporatu dio Khartumgo gobernuak Jubari.

Negoziazioak, etenda

Sudango Ministro Kontseiluak, Omar al-Baxar buru duela, Hego Sudanekin negoziazio oro etetea erabaki du, eta bere armadak mugako lurrak berreskuratzeko operazioa hasiko duela iragarri du. Iazko uztailaren 9an aldarrikatu zuen independentzia Hego Sudanek, baina oraindik konpontzeko dituzte mugen eta petrolioaren auziak, besteak beste.

Baina ez da Khartum erasoez kexu den bakarra. Sudango armadak atzo Hego Sudango Banitu herria airez bonbardatu izana salatu du Jubak. Mugatik 60 kilometro hegoaldera dago herria, Al-Wahda probintzian. EB Europako Batasunak mugako borrokak eteteko eskatu die bi herrialdeei, elkarren lurraldeak errespetatzeko. Bi armadak egiten ari diren operazioak «onartezinak» direla salatu du Bruselak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna