Albistea entzun

Durangoko 48. Azoka

Euskarazko antzerkigintzaren aldeko aldarria, Nafarroan

Ehazek antolatutako Antzerkizale Eguna egingo da abenduaren 13an eta 14an, Berriozarren
Itziar Elias, Zoila Berasategi, Josu Camara eta Xabier Lopez, atzo, Durangon.
Itziar Elias, Zoila Berasategi, Josu Camara eta Xabier Lopez, atzo, Durangon. MARISOL RAMIREZ / ARGAZKI PRESS

Juan Luis Zabala -

2013ko abenduak 7 - Durango

Laugarren ekitaldia Nafarroan egingo du aurten Antzerkizale Egunak, Berriozarren zehazki, datorren asteburuan, abenduaren 13an eta 14an, Nafarroan egiten den euskarazko antzerkigintza ezagutzera emateko eta haren aldeko aldarria egiteko asmotan, Ehaze Euskal Herriko Antzerkizaleen Elkarteak iragarri duenez. Mungian (Bizkaia) antolatu zuen Antzerkizale Egunaren lehen ekitaldia Ehazek, 2010ean, eta hurrengo ekitaldiak Villabonan eta Usurbilen (Gipuzkoa) izan ziren.

Bizkaian, Gipuzkoan eta Araban euskarazko antzerkigintza «nahiko baztertuta» dagoela eta Nafarroan egoera «are okerragoa» dela uste du Josu Camara Ehazeko lehendakariak. Nolanahi ere, egoera ona ez izan arren, Nafarroan ere euskarazko antzerkigintzarik badela nabarmendu du, eta dagoen hori aintzat hartu beharrezkoa dela. «Basamortu bat zela uste genuen, baina jabetu gara sasi-basamortu horretan —ez baita benetako basamortu bat— oasi pilo bat dagoela, antzerkia indarrez eta gogotsu lantzen duen jendea badagoelako».

«Ez da erraza euskarazko antzerkia egitea Nafarroan», Zoila Berasategi Arbizuko antzerkizaleak azaldu duenez. Berriozarko Antzerkizale Eguna elkar ezagutzeko eta aurrera begira egin beharreko bidean «lehen urratsa» egiteko aukera izan daitekeela uste du.

Aurrera begira jartzeko

Horretarako, garrantzi berezia izan dezake ostiralean, abenduaren 13an, 17:30ean, Berriozarko kulturgunean egingo den mahai inguruak. Nafarroako hainbat programatzaile bilduko dira, aktore profesional zein amateurrekin batera, mahai inguru horretan, nork bere ikuspegia emateko eta ondoren elkarrekin hitz egin eta debatitzeko. Mahai inguru hori egoeraren «diagnostiko bat» egiteko ez ezik aurrera begirako pausoen norabidea erabakitzeko ere baliagarria izan daitekeela uste du Berasategik.

Abenduaren 14an, larunbatarekin, Musikaz Blai ekitaldiarekin hasiko da eguna, 11:00etan, eta ondoren tailerrak egingo dira, sormen adierazpenekoa bata, Ion Barbarinek gidatua, eta maskarena bestea, Patxi Fuertesek zuzendutakoa. Ondoren, hainbat testuren irakurketa dramatizatuak jarraitzeko aukera izango da. Bazkalondoko programazioan, honako ekitaldi hauek izango dira: Txikiren bakarrizketak, Izaskun Mujikaren ipuin kontaketa haurrentzat, mikro-antzerkien zirkuitua Nafarroako hainbat aktoreren eskutik, manifestuaren irakurketa eta Ehaze saria emateko ekitaldia, eta, amaitzeko, Kabia konpainiaren Itzalak antzerki lanaren emanaldia, 20:00etan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JOSEPH PHILLIPS

Dantzaren sektoreko profesionalen prekaritatea, agerian

Ainhoa Sarasola

Dantzaren sektoreko profesionalen prekaritatea agerian jarri du ikerketa batek. Aldizkakotasun handia, ordain apalak eta beste lan batzuetan jardun beharra nabarmentzen dira, besteak beste, datuen artean. Aurrera egiteko bide malkarra azaldu dute profil desberdineko hiru dantzarik.

The Arcs taldeko kideak Richard Swiftekin (eskuinean, zutik) batera. ©BERRIA

'Electrophonic Chronic': The Arcsen omenaldia Richard Swifti

Aitor Biain

Debuteko lana eman eta zortzi urtera kaleratu du The Arcsek bigarren diskoa: ‘Electrophonic Chronic’. 2018an hil zen Richard Swiftekin grabatutako kantuen bilduma bat da.

 ©BERRIA
<em>The New York Review of Books</em> aldizkari ezagunaren sortzaileetako bat izan zen Elizabeth Hardwick. ©BERRIA

Behatzaile baten letrak

Mikel Lizarralde

AEBetako literatura zirkuituetako izen handia izan zen Elizabeth Hardwick. Kritikari lanak eman zion ospea, eta horrek berak haren sorkuntza lana estali zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...