Albistea entzun

Donostiako 60. Zinemaldia

Lehena orainarekin hizketan

Donostiako Zinemaldiaren 60 urteko historiari gainbegiratu bat eman diote aurkezleek inaugurazio ekitaldian

Ramon Agirrek jaso du 'Amour'-i emandako Fipresci saria, Michael Hanekeren izenean
Christine Vachon epaimahaiburua publikoaren aurrean hizketan, atzoko galako une batean.
Christine Vachon epaimahaiburua publikoaren aurrean hizketan, atzoko galako une batean. ANDONI CANELLADA / ARGAZKI PRESS

Juan Luis Zabala -

2012ko irailak 22

Donostiako Zinemaldiaren lehena eta oraina elkarrekin hizketan eta etorkizunari begira jarri zituzten atzo, Kursaaleko inaugurazio galan, Barbara Goenaga, Jose Coronado eta Cayetana Guillen Cuervo aktoreek, jaialdiaren 60 urteko historiari gainbegiratu bat emanez, aurtengo ekitaldiko sailak aurkezteaz gain.

Jaialdia hiriko hainbat dendarik «udako denboraldia luzatzeko asmoz» sortu zutela ekarri zuten gogora, 1953ko irailean, eta hasiera hartan folklore erakustaldirik hutsalenek gaina hartu ziotela zinema emanaldiei. Hala ere, 1955ean A kategoria eskuratu zuen, eta 1958an Alfred Hitchcockek Vertigo aurkeztu zuen Donostian, zinemaren historiako film onenetako bat, adituen ustez.

60ko hamarkadan, garai berrietara egokituta, nahiz eta zentsurak indarra izaten jarraitu, Zinemaldiak esparru berriak irekitzen asmatu zuen, batzuetan polemika sortuz izan bazen ere. Francis Ford Coppola zuzendari artean gazteak 1969an lortu zuen Urrezko Maskorra da garai hartako oroitzapenik aipagarrienetako bat. Urte batzuk geroago, ordea, ikusleek eta zinemaren arloko profesionalek bizkarra eman zioten jaialdiari, Francisco Francoren erregimenari lotuegia jarraitzen zuelako. 1976an egin zuen berriz gora, galako gainbegiratu historikoaren arabera, «jaialdia euskal herritarren esku geratu zenean». Urte horretatik aurrera, euskara jaialdiko hizkuntza ofizial bihurtu zen eta, sail berriekin, irudi berria transmititzen asmatu zuten antolatzaileek. Harrezkero gora egin du jaialdiak, nahiz eta une gogorrak ere pasa, A kategoria galdu zuenean adibidez, 1980an.

Etxeko aktore bat, Ramon Agirre donostiarra, izan zen galako protagonistetako bat, berak jaso baitzuen Michael Hanekek irabazi duen Fipresci saria, Amour filmari emana. Euskaraz mintzatuz, saria jasotzeak ilusio handia egiten diola esan zuen Agirrek. «Etxean gordeko dut, salan jarrita, baina itzuliko diot, e», esan zuen Agirrek umorez. Ondoren, frantsesez mintzatuz, Hanekeri zuzendu zitzaion, adieraziz haren hurrengo filmean hartzeko prest eta gogoz dagoela.

Galaren beste une batean, Antxon Ezeiza zinemagilea (Donostia, 1935-2011) ekarri zuten gogora aurkezleek, jaialdiaren aurtengo ekitaldia hari eskainia baita. Ezeizak jaialdia eta zinema maite zituela esan zuten, eta bultzada handia eman ziola Euskal Herriko zinemagintzari Ikuska saileko filmen bitartez. Ez zuten ahaztu 1989an Ke arteko egunak aurkeztu zuela Zinemaldian, «A kategoria bateko jaialdi batean emandako euskarazko lehen filma».

Nicholas Jarecki, Richard Gere eta Susan Sarandonen esker oneko hitzekin amaitu zen ekitaldia. Arbitrage ikusteko ordua zen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Kontzertu bat, Sanagustin kulturgunean. ©Alberto Beloki

Hamarkada bat beste bide batetik

Miren Garate - Gipuzkoako Hitza

Hamar urte bete dituzte Azpeitiko (Gipuzkoa) Sanagustin kulturguneak eta hura kudeatzen duen Kulturaz kooperatibak. Eredu propio bat garatu du kooperatibak euskarazko kultur sorkuntza sustatzeko.

 ©GORKA RUBIO / FOKU

«Sortzeko orduan ez diot mugarik jartzen neure buruari»

Mikel Lizarralde

Idoia Asurmendik sare sozialen bitartez eta beste zenbait musikariren bertsioak eginez ezagutarazi zuen bere burua. Orain, lehenengo diskoa argitaratu du: 'Ilun eta abar'.
 ©IñIGO URIZ / @FOKU

Harrespila, gutizia husteko

Ane Eslava

L'Alakran antzerki konpainiak 'Harrespila' ikuskizun performatiboa eskainiko du gaur eta bihar Altzuzako Oteiza museoan. Cromlech bat osatuko dute parte hartzaileekin batera
 ©MARIAJE FUENTE

Zero gradua

Berria

Juan Kruz Igerabide idazlearen (Aduna, Gipuzkoa, 1956) 'Doneaneko alaba' eleberrian, 1936ko gerrako gertakari latz batek txirikordatzen ditu unibertsitateko literatura irakasle eszeptiko bat den narratzailearen eta Doneaneko alaba gazte poetaren bizialdiak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna