Portugaletek irabazi egin du KAE 1eko bigarren estropada ere, zaleen aurrean

Hasi besterik ez da egin KAE 1 liga, baina bi estropadetan garaile bera izateak esan nahi du zerbait: Portugalete oso indartsu dago. Atzo ere, herriko banderan, onena izan zen, eta ligako bigarren garaipena lortu zuen. Azken txandan lehiatu zen etxeko trainerua, eta lehia ederra izanzen lau bizkaitarren artean. Azkenean, Portugalete nagusitu zitzaien (20.04,87) Santurtziri, Zierbenari (20.18,52) eta Lekittarrari (20.18,79), hiru segundoko zigorra izan arren. Gero etorri zen albistea txanda horretan, epaileek Santurtzi kaleratu zutelako, aurkari bati traba egitearren. Kolpe latza da Sotera-ko kideentzat, sailkapen nagusian zortzigarren lekuraino jaitsi direlako, hamar puntuz. Portugalete da lehen postuan, eta bi puntura dauka Zierbena. Gaur beste estropada bat jokatuko dute, ligako hirugarrena. Santurtzin izango da (Bizkaia), 17:30ean.