Albistea entzun

Analisia

Paris eta Euskal Herriaren arteko pultsu handia

Aitor Renteria -

2012ko azaroak 25

Parisek, ezetz. Baietz Ipar Euskal Herriak. Gobernantzari buruzko eztabaidan bi ahots altxatu dira, bi errealitate ezberdinen isla. Parisek ez du nahi lege koadroan agertzea Euskal Herriarentzat nahi duena. Desegin duen Pays egitura atxiki nahi du Ipar Euskal Herriarentzat, berriz ere salbuespen dela frogatuz. Ipar Euskal Herriak gainditu du eragile eta alderdi ezberdinen arteko lubakia. Gibelean gelditu dira departamendu, instituzio eta autonomiaren arteko ñabardurak. Bakoitzak bere ideologiari eusten dio, baina argi eta garbi eskatzen dio Parisi aitorpena. Eta eskaria ez da aldarri gisa egiten, abantzu hiru urtez arloz arlo eta lege adituen laguntzaz osatutako proposamen gisa baizik. Hori ez den oro ukazio gisa bizi izango du Ipar Euskal Herriak, eta Frantzian ez bada, bertan bederen horren ondorioak pairatuko ditu «batasuna» urratzen duenak.

Vallsen eta Lebranchuren hitzen ondotik, tokiko diputatu eta senatari sozialistek gibelera egin zezaketen, baina ez da horrela gertatu. Frederique Espagnac senatari eta alderdi sozialistaren bozeramaile berria ere bertan zen. Irmoki defenditu du herri elkargoaren beharra. Tokiko hautetsia eta boterean den alderdiko bozeramaile izanik, ariketa zaila du parean. Sinesgarritasuna jokoan. Edo indarra du gobernuan eragiteko eta kasu horretan erreferentzia nagusi bihurtuko da Ipar Euskal Herriarentzat, edo Parisi men egin beharko dio. 1981ean sozialistek egindako promesak brauki plazaratu dira azkenaldian. Sozialistek presente dituzte, eta ez dute hura errepikatzerik nahi. Ipar Euskal Herrian bederen. Parisek du hitza.

Geroari begira, laino beltzak ageri dira Paristik. Aterkia zabaldu behar du Ipar Euskal Herriak, eta, horretarako, bi elementu ditu. Lehenik eta behin, adostasuna indartzea, gero eta hautetsi gehiago erakarriz. Eskuetan duen gehiengoa karrikara eraman dezake, Parisek argi ikus dezan errealitate hori.

Pays egituraren ondorio den hitzarmen berezia arraberritzeko lanak blokeatzea da bertze aukera. Dauden egitura apurrak kolokan ezarriko lituzke, ekimena desobedientzia zibilaren pare utziz. Horrelako aurrekaririk ez dago Ipar Euskal Herriko politikan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Rufi Etxeberria eta Oihana Garmendia Sortuko kideak, gaur, Donostian, Ion Telleria kazetariak gidaturiko solasaldian. ©jon urbe / foku

Hurrengo urratsa: kaleratzea

Maddi Ane Txoperena Iribarren

Espetxe politika «humanizatuta», betetako urteen araberako baimenak, hirugarren graduak eta baldintzapekoak lortzea du xedea Sortuk: 168 presok «kalea zapaltzea».

Luzia Ezker, Jon Alonso, Eneko Etxeberria, Amaia irigoien eta Iñaki Alforja, Nafarroako Parlamentuan, agerraldiaren ostean. ©Iñigo Uriz / Foku

Naparra biktima gisa aitortua izateko eskatu dio sendiak parlamentuari

Joxerra Senar

Eneko Etxeberria Naparraren anaiak 2015etik hona kasuak izan dituen nondik norakoen berri eman die taldeei, eta hainbat eskaera egin dizkie: besteak beste, legebiltzarrak ahal duen guztia egin dezala Jose Miguel Etxeberriaren arrastoak bilatzeko bigarren araketa egiteko.

78ko Sanferminak Gogoan taldearen elkarretaratzea iragan irailean ©Idoia Zabaleta / Foku

Espainiako Estatuak 1978ko sanferminetako gertaeren erantzukizuna har dezala eskatu dute

Joxerra Senar

Polizia armatuak hildako German Rodriguezen anaia Fermin eta 78ko Sanferminak Gogoan plataformako Sabino Cuadra parlamentuan izan dira, eta taldeei lau eskaera egin dizkiete, estatuak ezarritako «zigorgabetasuna amaiarazteko»

Maiatzaren Leheneko manifestazioa Donostian, 1931n. 26 egun geroago gertatu zen sarraskia Ategorrietan. ©

Ategorrietako 1931ko sarraskiaren biktimak oroitzeko eskatu du EH Bilduk

Jon O. Urain

Guardia Zibilak zazpi langile hil zituen tiroz Donostian. 90 urte beteko dira maiatzaren 27an, eta indar subiranistak nabarmendu du hirian ez dagoela gertakariari buruzko oroigarririk.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna