Noiz sortua: 2014-04-03 00:30:00

Manifestaziora deitu dute ekainaren 14rako preso eta iheslarien eskubideen alde

'Giza eskubideak, Konponbidea eta Bakea' da Ipar Euskal Herriko 23 eragilek antolaturiko manifestaziorako leloa
Manifestu bateratua irakurri dute 23 eragilek Baionan, manifestaziora deitzeko.
Manifestu bateratua irakurri dute 23 eragilek Baionan, manifestaziora deitzeko. SYLVAINE SENCRISTO

Aitor Renteria -

2014ko apirilak 3
Ipar Euskal Herriko 23 eragilek manifestaziora deitu dute heldu den ekainaren 14rako, preso eta iheslarien eskubideen alde. Manifestazioa arratsaldeko bostetan abiatuko da Baionako Lauga kirolgunetik. Adierazpen bateratua adostu dute eragileek. Horrez gain, 2012ko abenduan hainbat alderditako eragileek izenpetutako adierazpena gogoratu dute, Baionako forumaren karietara. Testu hura izenpetu zuten Kotte Ezenarro Kontseilu Nagusiko presidenteordeak, Jean Rene Etxegaraik (Baionako auzapeza igandeaz geroztik), Jakes Bortairu (AB), Max Brisson Miarritzeko Kontseilari Nagusiak, Frederique Espagnac senatariak, Jean Jacques Lasserre senatari eta Hautetsien Kontseiluko presidenteak, Jean Lissar EELV taldekoak, Xabi Larralde Sortukoak eta Michel Larralde CFDT sindikatuko idazkari nagusiak.

Eragileek hiru elementu nabarmentzen dituzte gatazkaren konponbideari begira. Batetik, Euskal Herrian gero eta gehiago dira gatazkaren konponbidearen alde egiten duten herritarrak; gehiengo zabala osatzen dute. Aldi berean, Frantziak eta Espainiak ez dute norabide horretan urratsik egiten. Hirugarrenik, Nazioartean ere gero eta gehiago dira gatazkaren konponbidearen alde egiten duten indarrak. Horren adibide gisa aipatu zituzten Mexikon joan den urtarrilean egindako auzapezen foroa, Aieteko adierazpenarekin bat eginez. Zentzu berean kokatzen da, eragileen iritziz, Europako Giza Eskubideen Gortearen ebazpena, Parot doktrina indargabetuz. Berdin, Belgikak ezezkoa ematea Espainiak aurkeztutako azken euroaginduari.

Ekarpenak

Preso eta Iheslari Politikoen Kolektiboek ekarpen garrantzitsuak egin dituztela nabarmentzen dute eragileek. Bi ekarpen horiek prozesuaren eraikuntzarako zentralak direla diote eragileek. 2013ko martxoan Iruñea eta Bilboko foro sozialetan nazioarteko adituen ekarpenarekin idatzitako hamabi gomendioak ekarpen gisa hartu dituzte. «Gomendio horiek eta bi kolektiboen ekarpenek justizia trantsizionalaren prozesu orokor eta mailakatu bat marrazten dute, helburua gatazkaren konponbide integrala delarik, preso eta iheslarien gaiarekin», erran dute eragileek.

Ildo horretan, preso eta iheslarien kolektiboek aurkeztutako bide orriak garatzeko engaiamendua berretsi dute eragileek. «Hastapen batean, lehentasunezkoa da euskal preso eta iheslari politikoei aplikatzen zaizkien legeri berezi guztiak bukatzea» azaldu dute.

Preso eta iheslarien eskubideen aldeko eskari zehatzak plazaratu dituzten. Presoen kasuan, Krouchner legea errespetatuz, larriki eri diren presoen askatzea eskatu dute, aipamen berezia eginez Ibon Fernandez Iradi presoen egoerari. Bigarrenik, presoen sakabanaketari bukaera eta eskatu dute, presoen hurbilketa eta bateratzearekin batera. Hirugarrenik, baldintzapeko askatasuna erdiestea, baldintzak betetzen dituzten presoen kasuan.

Iheslariei dagokienez, kolektibo horretako kideek pairatzen dituzten euroagindu eskaerekin bukatzea eta 80ko hamarkadan Frantziak bertze lurralde batzuetara kanporatu zituen iheslarien itzulera. Manifestazioan parte hartzera deitu dute eragile oro, bereziki joan den igandean kargua hartu zuten hautetsiak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.401 gaixok eman dute positibo koronabirusaren proba eginda. 790 hil dira. COVID-19 gaitza izandako 4.149 pertsonari eman diete alta. Grafikoak, albiste barruan.

Akordiorik gabe amaitu da eurotaldeko ekonomia ministroen bilera

Akordiorik gabe amaitu da eurotaldeko ekonomia ministroen bilera

Berria

Mario Centeno presidenteak jakinarazi duenez, bihar jarrituko dute negoziatzen. Koronabirusak eragindako kalteak arintzeko neurrien gaineko kontrola da oztopo nagusia.

Balkoitik bizilagunari begira. Txakurra paseatzera atera du auzokideak. ©CABALAR / EFE

Itxialdi garaiko inkisizioa

Ion Orzaiz

Osasun langileei eskainitako txaloez gain, beste jokabide batzuk ere azaleratu ditu konfinamenduak: besteak beste, bizikletan doazenei kargu hartzea, Poliziaren gehiegikeriak txalotzea edota, motiboak jakin gabe, paseoan dabiltzanak salatzea.

Herritarrak Shanghaiko parke batean. Txinan, aisialdi gune gehienak itxita daude oraindik ere. ©ZIGOR ALDAMA

Wuhanen gaur amaitu dute urtarrilean hasitako berrogeialdia

Zigor Aldama

Wuhanen gaur amaitu dute urtarrilean hasitako berrogeialdia. Azken egunetan ez da hildakorik izan hirian. Txinan eskariak nabarmen murriztu zaizkie osasun alorrean lan egiten ez duten enpresei

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna