Zure ziztada behar dugu. Euskaltegiak

Euskaltegiek ere babesa eman diote BERRIAlagunari

Euskalduntzeko eta alfabetatzeko eragileek egunero erabiltzen dute BERRIA, eta premiazko jotzen dute lanerako
Maizpide euskaltegiko ikasleak, BERRIA irakurtzen.
Maizpide euskaltegiko ikasleak, BERRIA irakurtzen. IMANOL OTEGI / ARGAZKI PRESS

Jon Eskudero -

2012ko martxoak 25

Euskalduntzeko eta alfabetatzeko hainbat eragilek babesa eman diote BERRIAlaguna komunitateari. BERRIA Taldea lanean ari da hurrengo urteetan ere euskarazko kazeta izateko eta erronka berriei aurre egiteko, eta helburua da diru bilketa egiteko ahal den herritar eta eragile gehienengana iristea. Langile eta langile ohiak, euskalgintzako pertsona ezagunak, bertsolariak eta kirolariak izan dira orain arte atxikimendua erakutsi dutenak. Bada, euskalduntzeko eta alfabetatzeko ordezkariak ere gehitu dira zerrendara. Urtean ehun euroko kuota ordaintzeko prest dauden 5.000 lagun topatzea da aurtengo erronka, eta, oraingoz, 1.870ek eman dute laguntza. Urtean 240.000 euro emateko prest daude.

Arazo ekonomikoak direla medio, BERRIA Taldea iazko azaroan hasi zen diru ekarriak biltzen. Euskarazko hedabideak inoiz baino irakurle gehiago dauzka, baina Joanmari Larrarte hedabide taldeko kontseilari ordezkariaren esanetan, diru sarrerak oso dira txikiak. Nagusiki bi dira horren arrazoiak: bata, krisi ekonomikoa —erosle, diru laguntza eta publizitate gutxi—, eta, bestea, hedabideetan izaten ari den eredu aldaketa —paperaren beherakada eta sarearen gorakada, baina diru sarrera gutxirekin—.

Egoera horrek bultzatuta, BERRIA Taldeak hausnarketa fase bati ekin zion, eta BERRIAlaguna deituriko kanpaina ipini zuen martxan. Kanpaina bigarren fasean dago, eta herriz herri hedatzea eta sektore ezberdinekin hainbat ekimen egitea da fasearen asmoa. Euskalduntzeko eta alfabetatzeko sektoreak, bada, premiazko jo du egunkariaren presentzia euskal gizartean.

Jose Luis Azpillaga Deba, Elgoibar eta Mutrikuko euskaltegiko irakasleak zera adierazi du, euskaltegientzat ezinbesteko tresna dela BERRIA: «Euskal egunkaria ikasgelan artikuluak irakurtzeko erabiltzen dugu, baita mintzamenerako ere. Goi mailan dauzkagun ikasleek arazorik gabe ulertzen dute bertako euskara». BERRIArik gabeko gizarterik ez luke imajinatu ere egin nahi: «Garai batean bizi izan ginen euskal komunikabiderik gabe, baina BERRIA desagertzea atzerapauso galanta izango litzateke».

«BERRIA gabe, zer eginik ez»

Iritzi berekoa da Koldo Aldasoro Gabriel Aresti euskaltegiko kidea ere. BERRIAlagunari babesa ematea obligazioa dela nabarmendu du: «BERRIA barik, ez dago zer eginik. Gure euskal egunkaria gabeko gizarte bat ikusten duena beste gizarte batean bizi da». Aldasorok esan du guztien batasuna beharrezkoa dela euskal gizartea aurrera eramateko. Marian Bidegain Maizpide euskaltegiko zuzendariaren arabera, «izugarrizko luxua da testuak euskaraz edukitzea. Oinarrizko baliabidea da BERRIA euskara ikasteko, eta eskura daukagunean, ezin daiteke onartu desagertzear egotea».

Urrats euskaltegiak ere bat egin du Zure ziztada behar dugu kanpainarekin. Miren Urbina bertako irakasle batek dioenez, «BERRIA egunero erabiltzen da gure euskaltegian. Ikasle berriekin laburrak eta iritzi artikuluak lantzen ditugu, eta denbora gehiago daramatenekin testu nagusiak».

Nafarroako euskaltegiak egoera larrian daudela jakinarazi du Joserra Olano IKAko zuzendariak. Hargatik, BERRIAri laguntzeko arrazoiak gehitu egiten dira: «Euskal egunkariak oso itxura oneko euskara erabiltzen du, eta guztientzat derrigorrezkoa da horri eustea. Euskaltegiontzat funtsezko tresna da egunkaria, baina, oro har, gizarte guztiarentzat behar luke izan».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Donibane Lohizunen egin zituzten PCR probak, uztailean. ©Guillaume Fauveau

PCR proben arrakasta Lapurdi kostaldean

Ekaitz Etxamendi

Eskualdeko Osasun Agentziak PCR proba egiteko guneak ezarri ditu Lapurdi kostaldeko zonbait hiritan. Egitasmoak uda osoan iraunen du, ilara luzeak sortu baitira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna