Albistea entzun

Jira

Doktrina

Angel Erro -

2013ko urriak 23

Etar batek zauritu edo bizitza kendu dion biktima edo senide bati barkatu, ahaztu edo orrialdea pasa dezan eskatzeko ez naiz gauza. Ulertzen dut senide horrek Parot doktrinaren alde egotea, eta are hori eskasa iruditzea ere bai, justu kontrakoa ulertzen dudan bezain ongi: delako senide horrek herrarik ez gordetzea eta honetaz guztiaz deus gehiago jakin nahi ez izatea. Nik ezin dut esan bietako zein egoeratan egonen nintzen; bigarrenean, nahiko nuke pentsatu, baina, ezin jakin, orain arte biktima neure buruarena baino ez naizelako izan, eta horrelakoetan oso erraz suertatzen da barkabera izatea.

Ez dudana ulertzen da biktima horietako batzuk politikaren lehen lerrora eramatea eta beraien dotrina aletzea, Gobernuan dagoen alderdiarena. Pedraza andreak asteleheneko epaiaren analisi eroa egin du: «Epai hau bake prozesu delakoaren ordaina da». Eta portadetara eraman dute. Eta epaia auzitan jarri, argudiorik gabe, defentsa gutxi duelako, doktrina juridikoari dagokionez.

Inposaketa omen da, atera dira ahots batzuk, ez digute kanpotik esanen Espainian zer egin behar dugun, baina, Mongolia aldizkarikoek ongi azpimarratu duten bezala, Europar Bankuak ezartzen duena, berriz, ez da inposaketarik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.