Albistea entzun

Gorroñoren inputazioa «lotsagarria» dela dio EAk

Gernikako alkatearen aurkako salaketa «bakea oztopatzeko estrategian» kokatu du Gorroñoren alderdiak
Jose Maria Gorroño.
Jose Maria Gorroño. L. JAUREGIALTZO / ARG

Jurgi Arruti Agirre -

2013ko uztailak 18

Gernikako alkate Jose Maria Gorroño inputatuta Espainiako Gobernua «berriro ere lotsagarri» geratuko dela jakinarazi zuen atzo EAren politika instituzionaleko idazkari Unai Ziarretak, Bilbon emandako prentsaurrekoan. «Lotsagarrikeria latza egingo du Espainiak Europa osoan, giza eskubideen erakundeek salaketaren berri izaten dutenean», ohartarazi zuen Ziarretak, Gorroñori babesa erakusteko antolatutako prentsaurrekoan.

«Absurdotzat» jo zituen Ziarretak Gernikako alkatearen aurkako salaketak. Izan ere, haren aburuz, «ezaguna da Gorroñok giza eskubideen arloan egin duen lana», eta «nazioarte osoan badaukate horren berri giza eskubideen alde egiten duten talde askok».

Aurreko astean jakin zen Espainiako Auzitegi Nazionaleko Santiago Pedraz epaileak Gorroño inputatzea erabaki duela. «Terrorismoa goraipatzea eta zuritzea» egotzi dio epaileak alkateari, 2013ko Bakearen Gernika Saria Arnaldo Otegiri emateagatik —Jesus Egigureni eta biei eman zieten—. Dignidad y Justiciak jarri zuen salaketa, eta epaileak hori aintzat hartuta erabaki zuen Gorroño inputatzea. Datorren irailaren 13an deklaratuko du Gorroñok Auzitegi Nazionalean.

«Euskal Herriko bakea, normalizazioa eta elkarbizitza oztopatzeko estrategia» baten barruan kokatu du Gorroñoren inputazioa EAk. Salaketa horretan Dignidad y Justiciak izan duen egitekoa ez du ahaztu, baina, eta elkarteak Gernikako alkatearekin «obsesioa» duela salatu du. Izan ere, bigarren aldia da Dignidad y Justiciak Gorroño Auzitegi Nazionalaren aurrean salatzen duela.

Euskal Herrian bakearen alde egindako lanagatik jaso zuten Bakearen Gernika Saria Otegik eta Egigurenek. Lan hori «euskal gizartearen gehiengo zabalak babesten duen lana» dela gogorarazi zuen atzo Ziarretak. Horrela, Auzitegi Nazionalaren erabakiaren ondoren, Espainiak «euskal gizartearen gehiengoaren nahia kriminalizatu» egiten duela azpimarratu zuen. «Gertatutakoaren kontakizuna», ordea, «Euskal Herrian» «inposaketarik gabe» egingo dela zehaztu zuen azkenik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pablo Gonzalezen behin-behineko kartzelaldia luzatzeko eskatu du Poloniako Fiskaltzak

Pablo Gonzalezen behin-behineko kartzelaldia luzatzeko eskatu du Poloniako Fiskaltzak

Jone Arruabarrena

Kazetariak ihes egiteko arriskua dagoela argudiatu du fiskaltzak. Abuztuaren 23an erabakiko dute proposamena onartuko duten edo ez

'Gernika' koadroaren erreprodukzio bat, Gernikan (Bizkaia). ©Luis Tejido / EFE

Baliteke Gernika memoria toki izendatzea memoria historikoaren lege berriarekin

Lide Egizala Urteaga

Legeak «errepresioarekin eta indarkeriarekin» lotura duten lekuen zerrenda bat egitea aurreikusten du. Ezkabako gotorlekua eta Donostiako Cumbre jauregia memoria toki izendatuko dituzte, eta zerrenda osatzen ari dira hainbat elkarte.

Eneko Goia Donostiako alkatea, artxiboko irudi batean. ©GORKA RUBIO / FOKU

Eneko Goiaren gobernukideek baztertu egin dituzte alkateak proposatutako turismo tasak

Iñaut Matauko Rada

PSE-EEko eta PPko ordezkariek Eneko Goiaren proposamena kritikatu dute. Udalerriek kudeatutako turismo tasa ezartzea eskatu dio Donostiako alkateak Eusko Jaurlaritzari.

Elkarretaratzea, gaur, Leitzan. ©Leitzako Txosna Batzordea.

Txosnetan jasotako «mehatxu faxistak» salatu dituzte Leitzan, elkarretaratze batean

Berria

150 bat lagun elkartu dira Faxismoari stop lelopean. Pintura gorria bota zuten txosna batera, eta herritar baten aurkako mehatxuak ere agertu ziren.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.