Albistea entzun

Bidaia eta mendi kroniken lehiaketa

Gatako lurmuturretik, sariduna

Lourdes Unzuetak irabazi du BERRIAk antolatutako lehiaketa; datorren astean lau lan argitaratuko dira
Almeriako alkazabatik hartutako irudia; aurrean, etxeen teilatuak, eta atzean, itsasoa.
Almeriako alkazabatik hartutako irudia; aurrean, etxeen teilatuak, eta atzean, itsasoa. LOURDES UNZUETA

Erredakzioa -

2012ko abenduak 23

Txikitan eskolan abesten zuten gaztelaniazko kanta batean izan zuen lehen aldiz Gatako lurmuturraren berri Lourdes Unzueta bilbotarrak. Buruz ikasi zituen orduan lurmuturren izen guztiak, tartean, Almeriako Gatarena (Andaluzia, Espainia). Orduan entzundako lurmutur hori bertatik bertara ezagutzeko aukera izan du urte batzuk geroago.

Bidaia hori BERRIAko irakurleekin partekatu nahi izan du, eta han bizitakoa kontatzeko idazlan bat prestatu zuen Bidaia eta Mendi Kroniken Lehiaketara bidaltzeko. Lan horri esker, Tirolgo Otztal Alpeetan zortzi eguneko trekking zeharkaldia egiteko aukera izango du, Mendiak eta Herriak gidari elkartearen eskutik. Izan ere, lan horrek irabazi du BERRIAk antolatutako lehiaketa.

Gatako Natur parkearen barruan dagoen San Jose herrian igaro zituen egun batzuk Unzuetak. Eta handik Almeriako zenbait bazterretara txangoak egin zituen, baita Almeria hiriburura ere.

Kronika irabazlea aukeratzea ez da lan erraza izan. Guztira, 20 lan inguru jaso ditu BERRIAk, denak bizipen eta bidaia interesgarriz beteak. Gehienek urruneko bidaiak kontatu dituzte, hala nola Indiakoak, Perukoak... Baina batzuek inguruko ibilaldiak kontatu dituzte, Hiru Erregeen Mahaira egindako irteera, adibidez. Lehiaketan parte hartu duten guztiek jasoko dute sari bat: BERRIAren elastiko bana.

Bestalde, parte hartzaile guztien artean, Aralar Kirolak dendan gastatzeko hiru bonu zozkatu, eta hauexek izan dira irabazleak: Eneko Jaka, Garazi Munduate (Anoeta, Gipuzkoa) eta Unai Arriola (Forua, Bizkaia).

Lan guztien artean galbahea egin eta gero, datorren astean lanik onenak argitaratuko dira. Asteazkenean irakurri ahal izango da lehen lana: Mongolia, harrotasunaren aberastasuna. Josune Otxotorenak hiru astez Errusia eta Txina artean dagoen herrialdean bizitakoa kontatu du. Mongoliatik, Perura ondoren, ostegunean argitaratuko den Marta Abiegaren Peru: bihotz taupaden dantza zoroa lanari esker. Siberuten bizitako abenturak kontatuko ditu ostiralean Juan Luis Mugertzak, Lorez-lore gizonak lanean.

Larunbatean, lan irabazlea argitaratuko da, Lourdes Unzuetaren Almeria, Gatako Lurmuturretik, agata harribitxitik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola —argazkian, Easo igeriketa taldeko kideen atzoko erakustaldia—, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.