Albistea entzun

Nafarroako Gobernuaren haustura

Urtebete ezinezkoari eutsi nahian

«Gobernu sendo eta egonkorra», «egin litezkeenetatik onena» eta antzekoak esan dituzte UPN-PSN bikoteak osatutakoaz. Sortu orduko etengabeko krisian egon da, ordea.

Koldo Aldabe -

2012ko ekainak 16

Tximeleta baten hegalen astinduak munduaren beste muturrean urakana eragin badezake, katilu bateko ekaitz batek zergatik ez gobernu bat ito? Izan ere, horixe gertatu zen Nafarroako Gobernuan 132 milioi euroko murrizketa iragarpenarekin, Yolanda Barcinaren irudiko. Duela astebete egin zuen alderaketa Nafarroako lehendakariak: «Katilu bateko ekaitza izan da gobernu krisia». Astebeteren buruan, burua moztu dio Roberto Jimenez lehendakariordeari, eta domino efektuz, gobernuko beste kide sozialistek utzi egin dute Barcinaren ontzia.

Elkarren beharrez

Iazko maiatzeko bozen emaitzek ahul utzi zuten PSN. Boto-emaileek zigortu egin zuten Miguel Sanzen gobernua babestu izana. UPNk ere ez zituen emaitza onak lortu. Bidean PPren botorik gabe geratuta, aurreko legealdian baino indar gutxiagorekin irabazi zituen bozak.

Roberto Jimenezek uko egin zion NaBaik eta Ezkerrak (Bilduren balizko babesarekin) egindako eskaintzari. Era berean, ezin zuen aurreko urteetan bezala gobernua kanpotik sostengatu. Barcinak PSNren babesa behar zuen, arerio gisa edukiko zuelako bestela. Gobernu akordioa elkarren beharrez egin zuten.

Laster hasi ziren, ordea, erregionalisten eta sozialisten arteko desberdintasunak loratzen. Udazkenarekin batera, Espainiako Gorteetarako hauteskundeei begira, UPNk ituna egin zuen PPrekin. Barcinak azaldu zuen horrek ez zuela gobernu ituna auzitan jartzen, itunetik kanpoko kontuak zirela. PSNn, ordea, haserrea eragin zuen.

Marra gorriak

Giroa are gehiago okertu zen Espainiako Gobernuak lan erreforma ezarri eta Hezkuntzan eta Osasunean murrizketak egingo zituela iragarri zuenean. UPNk esan zuen murrizketak ezinbestean egin beharko zirela; PSNk, aldiz, informe juridikoak eskatu zituen Espainiako Gobernuak Nafarroaren eskumenak urratzen zituen jakiteko, eta «igaro ezineko marra gorriak» ezarri zituen.

Marra gorri horiek, ordea, mugitu egin behar izan zituen Jimenezek. Maiatzean, aurrekontuetatik 54 milioi euro murriztu behar zirela-eta «doikuntzak» hitzartu zituzten UPNk eta PSNk. Baina hori gutxi ez, eta egun gutxira beste 134 milioi euroko zuloa estali behar zela esan zuen Ogasun kontseilariak, eta Jimenez aho bete hortz geratu zen. PSNk gobernu ituna haustea leporatu zion UPNri. Jimenez Ferrazera joan zen Alfredo Perez Rubalcabaren babes bila. Han, Nafarroako diru kontuak argitzeko eskatu zion Barcinari, gobernua hauts ez zedin. Urtebete elkarrekin, eta diru kontuak nola ziren jakin gabe zeuden sozialistak. Barcinak kontuak erakutsi, eta Jimenez ohartu zen gazta puskatik geratzen zena zuloak zirela soilik, edo hala esan zuen, eta PSNk Barcina egin zuen horren erantzule, herenegun. Katiluko ekaitzak gainezka egin zuen; ordu gutxira, Barcinak, haserre, kargutik kendu zuen Jimenez. Sozialistak gobernua uzteko mehatxu egiten ibili eta gero, erregionalistek egotzi dituzte haiek. Ala horren bila zebilen PSN?

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Usurbilgo udaletxea. ©NOAUA

Usurbilgo Sagardia plazaren izena aldatzea exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Koldo Aldabe

Informazio osagarria

Iruzkinak kargatzen...