Komunikazioa
Gaur hasiko da Antena3en amodio eta misteriozko 'Luna' telesaila
Webgunearen eta sare sozialen bitartez, ikus-entzuleek istorioan parte hartzeko aukera izango dute
2012ko apirilak 10
Calenda herriko elezaharretan basoko uluez eta piztia bilakatzen diren gizakiez hitz egiten da. Herri misteriotsu horretan kokatzen da Antena3ko telesail berria, Luna, el misterio de Calenda izenekoa. Fantasia eta maitasuna ditu ardatz telesailak; El Internado telesaileko lantaldeak sortu du. Ikusgai izango da, asteartero, 22:30ean. Sare sozialen eta webgunearen bitartez, istorioan parte hartzeko aukera eskainiko zaie ikus-entzuleei. Protagonisten artean daude, besteak beste, Belen Rueda, Leonardo Sbaraglia, Lucia Guerrero, Fran Perea eta Olivia Molina aktoreak.