Albistea entzun

Kritika. Musika

Erlijiozko baretasuna

Jesus Mari Begoña -

2012ko martxoak 28

Das Neue Orchester

Zuzendaria: Christoph Spering. Abesbatzak: Bilbo Koral Elkartea eta Chorus Musicus Köln. Non: Arriaga antzokian (Bilbo). Noiz: martxoak 26.

Aste Sainduko zikloaren gailurra izan da Bilbo Ars Sacrum-ek eskaini digun Johannes Brahms-en Requiem Alemaniarra, eta aldi berean Bilboko Koral Elkartearen 125. urtebetetzea ospatzea izan zuen helburu. Izan ere, Brahmsen lan erlijiozko hau ez da liturgian sartzeko modukoa. Haren ikuspuntua humanista da, Erromantizismoaren garaikoa eta Lutherren ildotik: hilko garenontzako beste bizitza baten kontsolamendu itxaropentsua, sinestunentzat, noski. Baina konpositoreak aukeratu zituen testu literario eta Bibliakoen gainetik musika handia dago, orkestrazio ederra eta gizaki ahotsen pilaketa abailgarria. Eta horretan Christof Spering adituak egin duen hurbilketa historikoak —konpositorearen ideiari, alegia— harritu egin gaitu. Hasiera ponpoxoa alde batera utzita, harizko orkestra txikiarekin eta abesbatzak pianissimoan denbora geldoarekin eraman zuen hasierako «sufritzen ari direnen dohatsutasuna» diskurtsoa, hots, heriotzaren gainean egiten den hausnarketa lasaigarria, infernuaren eta ezerezaren beldurretik at. Baina zuzendaria ez zen kontenplazio horretan ametsetan geratu; gogor astindu zituen erritmoa eta bolumena 2. edo 6. zatietan diskurtsoen arabera «jaunak libre eginak, pozez oihuka etorriko dira Sionera» ala «hildakoak piztuko dira... behin betiko galdu da heriotza»… Hiletazko kantata horretan primeran jo zuen Das Neue Orchestrerekin eta harekin batera Bilboko Koral Elkarteak eraman zuen protagonismoa, Chorus Musicus Köln-en sostenguarekin. Zuzendariaren eskuei jarraituz afinazioaren, ahotsen arteko enpastearen, fraseoaren eta dinamika desberdinen jabeak egin dira hasierako zalantzak kenduta: sendo mezzoak, ausart sopranoak, ziur baritonoak... Nabarmentzekoa da 6. zatiko esfortzua, estilo fugatuan, agudoetan eta fortean. Biribiltzeko, aipatu behar bakarlariek beren zati laburretan egin zuten interpretazio zuzena. Josep-Miquel Ramon baritonoak lerden eta tesitura guztietan erraz eman zuen berea; S. Tzibila sopranoak, bolumen justutxoa izan arren, gustuz eta teknikaz abestu zuen 5.zatia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...