Albistea entzun

Durangoko 46. Euskal Liburu eta Disko Azoka. Xipri Arbelbide. Idazlea

«Afrikan eta hemen, sorginak beti sorgin»

JUANAN RUIZ / ARGAZKI PRESS

Goretti Rodriguez -

2011ko abenduak 9 - Durango

Xipri Arbelbidek (Heleta, 1934) Sorginak Lehen eta orain Afrikan eta hemen liburua plazaratu berri du. Boli Kostan 12 urtez egon da misiolari. Hango eta hemengo sorgin kontuak dakartza oraingoan.

Zer dela-eta idatzi duzu sorginei buruz?

Astokeria asko esan zituztelako iaz Senperen, De Lancreren auziak gertatu zirela 400 urte bete zirela eta. Gai hori modan jarri da, eta hainbat ekitaldi antolatu dira, baina inork ez du aipatu zer den sorgina. Gaurko begiekin ikusten dituzte, eta ez dakite zer diren. Hemen, zientziak erakutsitakoaren ondorioz sorginen inguruko sinismena galdu egin dugu. Afrikan ez.

Afrikan bada sorginik?

Afrikan eta hemen sorginak beti sorgin. Nire ustez, ez da sorginik, eta ez dira sekula izan. Jende batzuek beste herritar batzuek sorgintzat dauzkate, besterik ez. Sinesmen bat da. Bada horrek edo beste hark zorte txarra bota diola uste duen jendea, baina sinetsi besterik ez du egiten. Afrikan, Euskal Herrian bezala, sorginek zorte gaiztoa botatzen dutela esaten da.

Baina Afrikako bi fetixerekin bueltatu zara etxera, ezta?

Afrikan nintzela, meza eman ondoren, emakume batek bi fetixe erakutsi eta eman nahi zizkidan. Fetixe horiek hartzeko dirua eman nahi zidan ere. Ez nuen dirua onartu nahi, baina, azkenean eman egin zidan. Gero esan zidaten fetixe horiek hartuz berari bota zioten zorte txar guztia ematen zidala. Afrikako oroitzapen ezin hobea direla iruditzen zait, baina, zerbait gertatzen bazait, seguru horregatik dela esaten duela norbaitek.

Liburuan XXI. mendeko sorginak aipatzen dituzu.

Bai, sorgin modernoak, aztiak, tarot kartak, pandula eta kristalezko bola aldean. Biblian ere ageri dira profetak, begi gaixtoa edo deabrua sar balakio bezalako kontuak. Nik Jainkoan bakarrik sinisten dut, baina ez diot ezer eskatzen. Naturaren indarra existitzen da. Belargileek daukatena jakitate bat da, eta ez sorginkeria.

Nola osatu duzu liburua?

Katixima eta liburu zahar ofizialek sorginkeriaz zer esaten duten ikertu dut. Otso gizonak aipatu ditut, Afrikan bizi izandako esperientziak eta sorgin auzien mapa ere ageri da. Gure mendi inguruetan gertatu ziren gehienak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koldo Biguri, Garazi Arrula eta Massimo Carlotto —pantailan—, gaur, liburuaren aurkezpenean. ©Iñigo Uriz / Foku

Italiaren erraiak, beltzez

Ane Eslava

Koldo Bigurik euskaratu du Massimo Carlottoren 'Agur, maitea, ikusi arte' nobela, eta Txalapartarekin argitaratu. Lanak Italiako boterearen eta kriminalitatearen arteko harremana islatzen du.

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.