Albistea entzun

Konponbidea atzeman nahi du prefetak

Seaska sostengatzeko, 400 bat pertsona bildu dira Suprefeturaren Baionako egoitzako hesiaren aitzinean
Seaskak Suprefeturaren Baionako egoitzaren aitzinera eraman zuen ikastolen haserrea atzo eguerdian.
Seaskak Suprefeturaren Baionako egoitzaren aitzinera eraman zuen ikastolen haserrea atzo eguerdian. GAIZKA IROZ

Aitor Renteria -

2013ko otsailak 5 - Baiona

Seaskarekin duen gatazkari konponbidea atzemateko borondatea duela jakinarazi du Lionel Beffrek, Pirinio Atlantikoetako prefetak. Paxkal Indo Seaskako lehendakariari eta Hur Gorostiaga zuzendariari egin zien adierazpen hori,egoera aztertzeko atzo Pauen egindako bilkuran. Denbora berean, Seaskaren aldarria sostengatzeko, laurehun pertsona inguru elkarretaratu ziren Suprefeturaren Baionako egoitzaren aitzinean. Sarrerako hesia itxirik zegoela, manifestariak bertan egon ziren, Paueko bilkuraren berri ukan arte. Baionako suprefetak sortutako egoeraren konponbidea Pauen egon daiteke, baina prefetak ez du neholako bermerik eman.

Bilkura aski hotz hasi zela azaldu du Indok. Prefetak gogorarazi die legea betearaztea dela beren lana. Eskakizun horri jarraikiz, Baionako suprefetak Hendaiako ikastola berria diruztatzea debekatu zion Battita Sallaberri Hendaiako auzapezari. Falloux legea eskuan, erakunde publikoek ezin dute diruz lagundu hezkuntza pribatua. Legeak dioena betearazi du suprefetak, prefetaren iritziz.

Seaskak prefetari gogora ekarri dio berrogei urteko historia duela bizkarrean. Hainbat traba gainditu ondoren, gaur egun 30 ikastetxe dituela, eta hizkuntza politikaren ardatz nagusia dela. Frantziak hizkuntza gutxituei ondare direlako aitorpena egin ondoren funtzio publiko bikoitza duela erran dio Seaskak. Joan den larunbatean Hendaian egindako manifestazioaren sostengua ere bazuen Seaskak bilkuran. Eta etorkizun hurbilerako hainbat protesta ekitaldi prestatu ditu.

«Lasaitasun handiagoa lortzeko, Seaskak ere jakin behar du nola eman behar dion bukaera gatazka egoera honi», erran zuen prefetak. Seaskaren eredua arriskutik at ezartzeko, legea aldatu behar dela ihardetsi zion Indok. Legea bertze bat balitz bere lana errazagoa litzatekeela, prefetak.

Ikastolen deliberoa

Bilkuraren bilduma egiteko tenorean, pragmatismoa nagusitu da Indoren gogoan. «Ez baikor, ez ezkor». Garrantzitsua da prefetak onartzea bertze lege bat egokiagoa litzatekeela. Alta, legea aldatzea ez da bere esku. Baina ez du argitu bere esku dena, legea betearaztea, eginen duen edo ez. Hendaiako ikastola berriak orain arteko mehatxuak ditu, eta ikastoletako lehendakariak elkarretaratu ziren atzo egoerari buruzko azterketa egiteko. «Ikastolekin bildu, eta elkarrekin deliberatuko dugu mobilizazioarekin jarraituko dugun edo ez», erran du Indok.

Ikastoletako lehendakariarekin bildu baino lehen, Colette Capdevielle diputatu sozialistarekin biltzekoa zen Indo atzo arratsean. Falloux legeak ikastolen oraina eta geroa mehatxatzen ditu. Ikastolek bermea behar dute, eta, horretarako, funtsezkoa da legea aldatzea. Horretarako bildu da Seaska Capdeviellerekin.

Frantziak hainbat erreforma ditu bidean, hala nola hezkuntza arloan, hizkuntzaren lege proposamena eta lurralde antolaketa. «Murgiltze ereduaren izaera errespetatu eta funtzio publikoa aitortzen digun legea behar dugu», erran du Indok. Diputatu eta hautetsiek lege horren zirrikituak landu beharko dituzte. Horrek denbora eskatuko du, eta baita Frantziako gobernuaren oniritzia ere. Anartean, Seaskak deliberatu beharko du etorkizun hurbilean zer jarrera hartuko duen. Lehenik, mobilizazioekin segitu edo bermerik gabeko lasaitasuna hobetsi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira
Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao, Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Donostiako Antigua Auzoko Osakidetzako osasun zentroa. ©GORKA RUBIO / FOKU

«Ezin dugu martxa honetan segitu»

Oihane Puertas Ramirez

Lehen mailako arretako langileek salatu dute baliabideak falta zaizkiela. COVID-19a dela eta, osasun etxeetako lan karga «izugarri» handitu zaie, eta «gainezka» daudela sentitzen dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.