Albistea entzun

Kazakhstango pelikula bat aurreneko aldiz lehiatu da Berlinalen

Emir Baigazinen 'opera prima'-ri harrera beroa egin diote; gaur emango dituzte Sail Ofizialeko azkeneko bi filmak

Agentziak -

2013ko otsailak 15 - Berlin

Emir Baigazin zuzendariak bere opera prima aurkeztu zuen atzo Berlingo zinema jaialdiaren Sail Ofizialaren barruan: Uroki Garmonii pelikula. Hala, harena da Berlinalen lehiatu den Kazakhstango aurreneko pelikula; harrera beroa egin zioten, gainera. Bihar banatuko dituzte sariak, eta gaur aurkeztuko Sail Ofizialean Urrezko Hartza irabazteko lehiatuko diren azkeneko bi filmak. Emmanuelle Bercot frantziarrak zuzendutako Elle s'en va eta Hong Sangsoo korearraren Nobody's Daughter Haeven dira bi pelikula horiek.

Screen Berlinaleren aldizkari ofizialean nazioarteko kritikariek egin dituzten iruzkinen arabera, oraingoz Sebastian Leilo zuzendari txiletarraren Gloria da sari nagusia irabazteko faboritoa. Bere bizitza gobernatzen hasiko den konplexurik gabeko emakume baten istorioa kontatzen du lan horrek. Der Tagesspiegel egunkariaren ustez, berriz, Jafar Panahiren Pardé lan esperimentala da hautagai nagusia.

Pelikula kazakhstandarrean, berriz, herrialdeko baserri eremu bateko Aslan haurra da protagonista. Pelikulako lehen sekuentzian ardi bati lepoa nola mozten dion eta tripak nola ateratzen dizkion ikus daiteke. Izan ere, fisika eta kimikako eskoletan ikasten duena aplikatzen du bere egunerokoan. Aulki elektrikoak ere eraikitzen ditu, edo egurrezko pistolak. Ez da mutil krudela, keinu bakoitzean zehaztasuna bilatzen duen haurra baizik. Jarrera horrek bere bizitza korapilatuko du.

Lehiaketatik kanpo Dark Blood eman zuten atzo. River Phoenix aktorearen azken lana da. 1993an hil zen, pelikula osatzekotan zegoenean. George Sluizer zuzendari herberehetarra arduratu da geratzen zena osatzeaz. AEBetako basamortu baten erdian kotxeak ez atzera, ez aurrera utziko duen aktore bikote baten istorioa kontatzen du. Phoenixek interpretatuko pertsonaiak lagunduko die.

Antolakuntzak, berriz, Ohorezko Urrezko Hartza eman zion Claude Lanzmann zuzendariari. Shoah bederatzi orduko dokumentala errodatu zuen frantziarrak 1985ean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sara Azurza abeslaria, bere <em>Hemen berriro</em> diskoa aurkezteko argazki batean. ©ZART KOLEKTIBOA

Emozioak akordeen oinarrian

Miren Mujika Telleria

Sara Azurzak 'Hemen berriro' diskoa kaleratu du, Zart kolektiboarekin. Bizitzaren ziklo emozionala du ardatz diskoak. Askotariko musika estiloak tartekatu ditu kantuetan

Aintzane Galardiren <em>Bakardadearen aintzira</em> poemarentzat Udane Ansak sortutako irudia. ©UDANE ANSA

Poemak urik gabeko itsasoei

Ainhoa Sarasola

Hainbat poetak Ilargiari idatzitako olerkiak biltzen ditu 'Mare' liburuak, ilustrazioz jantzita. Beste hainbat testu luzeagok eta abesti batek osatzen dute proiektua

Judith Jauregik hainbat konpositoreren obrak interpretatuko ditu jaialdian. ©BERRIA

Literatura izango du ardatz Bilboko Musika-Musica jaialdiak

Erredakzioa

Martxoaren 3tik 5era, 70 kontzertu egingo dituzte Arriaga antzokian eta Euskalduna jauregian. Festibalak 1.400 musikari bilduko ditu

Maria Schneider, 2019an, Donostiako Jazzadiaren aurkezpen batean. ©Gorka Rubio / Foku

Maria Schneider eta Brad Mehldau Gasteizko Jazzaldian izango dira

Mikel Lizarralde

Uztailaren 3tik 8ra egingo den 46. jaialdirako baieztatu dituzten lehenengo bi artistak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.