Albistea entzun

Pierre Loti idazleari buruzko erakusketa bat ireki dute Parisen

Artxibo argitaragabeak, garai bateko argazkiak, mozorroak eta beste ikus daitezke Quai Branly museoan

Agentziak -

2013ko ekainak 28 - Paris

Pierre Loti (1850-1923) idazle frantziarraren artxibo argitaragabeak, mozorroak, jantziak, orduko argazkiak eta beste bildu dituzte J'arrive, J'aime, Je m'en vais erakusketan, eta datorren irailaren 29a arte ikusi ahalko dira Parisen, Quai Branly museoan. Loti exotismo literarioaren erreferenteetako bat izan zen XIX. mendearen amaieran, eta Ramuntcho obraren bidez (1897) Ipar Euskal Herriaren irudi bat ezagutarazi eta bultzatu zuen, eta modan jarri. Hori dela eta, Lapurdiko kostaldea artista, noble eta abarren bisitalekua bihurtu zuen. Loti bera Hendaian hil zen.

Mendebaldeko gizartearekin kritiko agertu zen beti Loti, eta gogoak astindu zituen, Claude Stefani erakusketako komisarioaren ustez, «antzinako kolonialismoaz zeukan ikuspegi hilgarri eta dekadentearekin». Izan ere, Loti bidaiaria zen, mundutarra; idazlea, akademikoa eta baita marinela ere. Ozeano Barean 1871n eta 1872an egindako bidaian jendegune bakan baten suntsiketa ikusi ahal izan zuen, eta bere marrazkiekin ezagutu zituen pertsonen eta tokien memoria babesten ahalegindu zen. «Esperientzia hura erabakigarria izan zen Mendebaldeko gizarteak munduan zuen betekizuna ulertzeko orduan», jakinarazi du Stefanik. 40 urteko ibilbide emankorrean, 40 lan baino gehiago osatu zituen Lotik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sara Azurza abeslaria, bere <em>Hemen berriro</em> diskoa aurkezteko argazki batean. ©ZART KOLEKTIBOA

Emozioak akordeen oinarrian

Miren Mujika Telleria

Sara Azurzak 'Hemen berriro' diskoa kaleratu du, Zart kolektiboarekin. Bizitzaren ziklo emozionala du ardatz diskoak. Askotariko musika estiloak tartekatu ditu kantuetan

Aintzane Galardiren <em>Bakardadearen aintzira</em> poemarentzat Udane Ansak sortutako irudia. ©UDANE ANSA

Poemak urik gabeko itsasoei

Ainhoa Sarasola

Hainbat poetak Ilargiari idatzitako olerkiak biltzen ditu 'Mare' liburuak, ilustrazioz jantzita. Beste hainbat testu luzeagok eta abesti batek osatzen dute proiektua

Judith Jauregik hainbat konpositoreren obrak interpretatuko ditu jaialdian. ©BERRIA

Literatura izango du ardatz Bilboko Musika-Musica jaialdiak

Erredakzioa

Martxoaren 3tik 5era, 70 kontzertu egingo dituzte Arriaga antzokian eta Euskalduna jauregian. Festibalak 1.400 musikari bilduko ditu

Maria Schneider, 2019an, Donostiako Jazzadiaren aurkezpen batean. ©Gorka Rubio / Foku

Maria Schneider eta Brad Mehldau Gasteizko Jazzaldian izango dira

Mikel Lizarralde

Uztailaren 3tik 8ra egingo den 46. jaialdirako baieztatu dituzten lehenengo bi artistak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.