Albistea entzun

Donostiako 60. Zinemaldia

Utopiatik kaoserantz

'Foxfire' aurkeztu du Laurent Cantetek, emakumezko nerabe talde baten gizartearen kontrako matxinada
Madeleine Bisson, Laurent Cantet eta Katie Coseni, atzo.
Madeleine Bisson, Laurent Cantet eta Katie Coseni, atzo. GORKA RUBIO / ARP

Igor Susaeta -

2012ko irailak 25 - Donostia

Emakumeak eta pobreak izateagatik, umiliatu eta diskriminatu egiten dituzte New York estatuko herri batean, 1950eko hamarkadaren erdialdean. Eta Legs nazkatuta dago. Aitonak, gainera, gaztetako istorioak kontatzen dizkio. Kontu utopikoak, idealistak, liluragarriak nerabe batentzat. Klaseko lagun batzuekin elkartu, eta Foxfire izeneko elkartea sekretua eratuko dute, gizartearen kontra matxinatuz, mendekua hartuz, utopiara iristeko intentzioarekin. Baina hasierako bat egitea desegin egingo da pixkanaka, eta denboraren higatzeak kaosera eramango du elkartea. Laurent Cantet zinemagile frantziarraren azken lana da Foxfire, Joyce Carlos Oatesek 1993an kaleratutako eleberriaren egokitzapena. «Gizakiarentzat, nerabezaroa oso une erabakigarria eta aberatsa da», adierazi zuen atzo zinemagileak prentsaurrekoan. Urrezko Maskorra irabazteko lehiatuko da.

Orain dela hamahiru urte zuzendu zuen Cantetek bere estreinako filma, Ressources humanies, eta harekin Zinemaldiko Zuzendari Berrien saria eman zioten. Entre les murs-ek (2008) famatu zuen, ordea. Orduan, azken pelikulan bezala, nerabeak ziren protagonistak. «Film hau aurrekoaren jarraipena da, bai. Nerabezaroari buruzko beste film bat egiteko beharra sentitu nuen». Baina bai ukitu dituen gaiak eta baita garaia ere diferenteak dira. Halere, ez du uste modu «ezberdinean» filmatu duenik. Iruditzen zaio, gainera, pelikulako gaiek badutela gaurkotasuna, orain dela ia 60 urteko gizartean kokatu dituen arren: «Matxismoa bizirik dago oraindik ere, eta baita emakumezkoen edo klase apaletako jendearen kontrako indarkeriak ere».

Horren kontra matxinatuko dira Legs, Maddy, Lana, Rita, Goldie, eta geroago batuko zaizkienak. Nerabeak izanda, hasieran jolasean bezala arituko dira, beren kontrako biolentziari jarrera ahalik eta gogorrenarekin aurre eginez. Erosiko dute baserri bat, eta hori izango da elkartearen «une gorena», zuzendariaren ustez. «Baina denborak aurrera egin ahala, egiten dutena terrorismoaren trazak hartzen hasiko da. Hain zuzen, ekintza horiek guztiak ez dira izango esperientziak emandako arrakastaren ondorioa, porrotera eramango dituena baizik». Cantetek nerabezaroko «konpromisoa» filmatu nahi izan du, «garai horretan oraindik ere ez ditugulako hori ulertzeko gakoak».

Katie Coseni (Maddy) eta Madeleine Bisson (Rita) aktoreak alboan izan zituen Cantetek atzo. Cosenik aitortu zuen «erraz» sartu zela paperean, «nerabezaroan denok dugun segurtasuna faltaz hitz egiten duelako».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zugaza, Herraez, Gonzalez, Zupiria eta Ormazabal, gaur, Gasteizen. ©IREKIA

Euskal artisten 26 artelan erosi dituzte museoek, Jaurlaritzak diruz lagunduta

Aitor Biain

Artium museoak, Biboko Arte Ederren Museoak eta Tabakalerak elkarrekin erosi dituzte 18 euskal artistaren obrak, 200.000 euroko ezohiko diru laguntza bati esker.

2023ko Bertsoaoa zikloko irudia, Leire Urbeltzek egina. ©Nafarroako Bertsozale Elkartea

Iruñeko Bertsoaroa otsailaren 9tik martxoaren 2ra eginen dute

Berria

Nafarroako Bertsozale Elkarteak eta Iruñeko Udalak antolaturik, sei emanaldirekin osatu dute zikloaren egitaraua. Lehenbiziko aldiz, bertso afari bat ere izanen da.

Gorka Moreno, Amaia Ozerin eta Patxo Telleria, gaur goizean, 'Sormen Ola' proiektuaren aurkezpenean. ©OSKAR MATXIN EDESA / FOKU

Gazteentzako tailer sorta bat antolatu dute Loraldiak eta EHUk

Olatz Enzunza Mallona

Gazteen artean euskal kulturaren transmisioa sustatzeko asmoz, Sormen Ola programa abiatu dute Loraldiak eta EHUk. Parte hartzaileek formakuntza tailerrak jasoko dituzte hilean behin, sortzaile profesionalek gidatuta. Larunbatean egingo dute lehenengo saioa.

Slawka Grabowska eta Amaia Garcia antolatzaileak, Mari Jose Telleria Gipuzkoako Kultura diputatua eta Olatz Osa Elkar argitaletxeko zuzendaria, gaur goizean, jaialdiaren aurkezpenean. ©Jon Urbe / Foku

Otsailean egingo dute Lumafest jaialdia Donostian, bigarrenez

Naroa Torralba Rodriguez

Zabalik dago mikrokontakizunak bidaltzeko epea. Otsailaren 9tik 11ra tailerrak eta hitzaldiak izango dira Koldo Mitxelena kulturunean.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...