Tribuen arteko liskarretatik ihes egin dutenak itzultzen ari dira Hego Sudanen

NBE 60.000 inguru desplazatuengana iristeko ahaleginean ari da, «hondamendia eragozteko»

Erredakzioa -

2012ko urtarrilak 8

Hego Sudango Lou Nuer eta Murle tribuen arteko borrokengatik euren herrietatik ihes egin duten milaka lagun etxeetara bueltatzen hasi dira. Halaxe jakinarazi du Joshua Konyi Pibor eskualdeko mandatariak Hego Sudango The Citizen egunkarian. Sudanen mugatik gertuko Jonglei estatuan izan dira borrokak iragan abendu amaieraz geroztik, eta orotara, 60.000 lagunek egin dute ihes baso aldera indarkeriaren beldur. Konyiren arabera, 9.107 lagun dagoeneko etxera bueltatu dira, baina oraindik milaka dira ezkutuan jarraitzen dutenak, janaririk, medikuen laguntzarik eta babeslekurik barik.

Jubako Gobernuak hondamendi egoera ezarri du Jonglein, eta armada eta 4.000 polizia bidali ditu bertara, tribuen arteko indarkeria gerarazteko. 1940ko hamarkadan dagoeneko muturtuta zeuden bi komunitateak, eta elkarren lurretan sartu izan dira urteetan, abereak lapurtzeko. Ez dago abenduan berriz liskarrak piztu zirenetik hil direnen zifra ofizialik, baina «milaka» izan daitezkeela esan du Konyik. Atzo, esaterako, hamarnaka mila lagun zeuden Piborreko ikastetxearen aurrean zain, Gurutze Gorria banatzen ari den janaria jasotzeko.

Operazio humanitarioa

Bitartean, NBE Nazio Batuen Erakundeak Hego Sudanen operazio humanitarioa abiatu duela adierazi du, 60.000 lekualdatuengana iristeko eta «hondamendia saihesteko». «Bost herritan zentratu gara. Lautara soilik airez irits daiteke. Eta hiru guztiz kiskalita geratu dira», azaldu du Lise Grande NBEk Sudanen duen koordinatzaile humanitarioak.

Bestalde, Barack Obama AEB Amerikako Estatu Batuetako presidenteak Hego Sudanen kontra zituen zigorrak bertan behera laga ditu —Jubari defentsa arloko materiala eta zerbitzuak saltzeko debekua zuen ezarria—. Azaldu duenez, bi herrialdeen arteko harremanak egonkortzeko hartu du neurria Obamak. «Zigorrak kenduta, AEBen segurtasuna sendotuko da, eta, era berean, mundu mailako bakea sustatzeko ere balioko du».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna