Albistea entzun

Kritika. Opera

'Bel canto'-aren adibide ona

Jesus Mari Begoña -

2014ko apirilak 10

'I Puritani', Vicenzo Bellini

Abeslariak: Celso Albel, Elena Mosutz, Gabriele Viviani, Simon Orfila. Bilboko Opera Abesbatza. Musikariak: Nafarroako Orkestra Sinfonikoa. Musika zuzendaria: Jose Miguel Perez Sierra. Eszena zuzendaria: Alfonso Romero. Non: Euskalduna jauregia. Noiz: apirilaren 8a.

Beste behin ere, Bilboko operazaleen bel cantoarekiko egarria ase ditu OLBEk, Vincenzo Belliniren I Puritani operaren bigarren saio honekin. Izan ere, nahiz eta libretoak ez bururik ez hankarik ez eduki, eta opera horren eredua zaharkitua izan arren, obrak dauzkan doinuak hunkitu egiten gaitu oraindik. Baina ezinbesteko baldintza kantu fiorito-an eta goi muturrean eroso abesten duten abeslariak bilatzea da, eta horren zoria izan genuen Elena Mosutz eta Celso Albeloren erakustaldian. Beraz, sopranoak biribildu zuen Elvira maitemindua, eta azken momentura arte, utzia izanaren rol dramatikoa —esaterako, eromenaren eszenan— horretarako, ahots fina, tinbre atsegina, arnasketa eta afinazio bikainak erabili zituen. Eta, goitik beherako kontrola kantu ederrean: hau da, legatoa, koloraturak, messa di voce, glissandi...

Maila berean, asko gustatu zitzaigun tenorraren ahotsa, morbidoaren eta di bravura-ren artean mugitzen zena, gardena, erregularra erregistro guztietan , indartsu agudoetan eta eroso goi muturreko kantuan. Hasierako A te cara ariatik hasita, sobreagudoetan zebiltzan azken duo eta ariak egin arte, Kanarietako tenorrak dotoretasuna erakutsi zuen kantuan; aldiz, ausartaren irudia baino, zorabiatuaren itxura dramatikoa eman zuen, tamalez. Biek ala biek jaso zituzten publikoaren txaloaldiak.

Beste maila batean, Gabrielle Viviani baritonoak zuzentasuna kantuan eta eskarmentua tauletan adierazi zituen bolumen erdiko ahotsarekin eta guturalarekin. Atseginez entzun genuen Simon Orfilaren ahots tinbratua. Biek ala biek Suoni la tromba intrepida duo aberkoia egin zuten publikoaren onarpenarekin. Gustatu egin zitzaigun Giovanna Lanza mezzoaren ahots koloretsua eta beroa, eta pena izan zen zati handiagoan entzun ahal ez izatea. Fernando Latorre eta Alberto Nuñezek egoki bete zuten bakoitzaren kantaldia. Musikagintzaren arloan, oso ona izan zen Jose Miguel Perez Sierraren zuzendaritza Nafarroako Orkestra Sinfoniko ederraren aurrean. Alta, ohikoa ez den moduan, Bilbao Operaren Abesbatzak arazoak izan zituen denborapasekin hainbat sarreratan sartzean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Miren Billelabeitiaren aurkezpena, Elkar liburu dendan. ©MARISOL RAMIREZ / FOKU

Gazteen inguruko aurreiritzien aurka

Olatz Silva Rodrigo

Miren Billelabeitiak 'Norberak maite duena' saiakera kaleratu du, Pamiela argitaletxearekin. Urteetan gazte eta ikasleekin liburuen inguruan izandako solasaldietan oinarritu du liburua

Robert Treviñok zuzenduko du orkestra. ©JUAN HERRERO / EFE

EOk 'Lorratz' estreinatuko du, Elkanori buruzko proiektuko azken obra

Mikel Lizarralde

Zuriñe F. Gerenabarrenarena da lana, eta Euskadiko Orkestraren denboraldiko laugarren kontzertu programaren barruan joko dute

Plateruena: berriz zabalduko ditu ateak

Durangoko Plateruena kafe antzokiak berriz irekiko ditu ateak

Iñigo Astiz - Paulo Ostolaza

Udalarena izango da, baina kudeaketa publiko eta komunitarioa izango du; kultur mahai batek gidatuko du. Gune berriak hiru erpin izango dituela azaldu dute: euskara, kultura eta sorkuntza.

Harkaitz Cano idazlea, bere poema liburu berria esku artean duela, Donostian. ©Maialen Andres / Foku

Harkaitz Canok ‘Pozaren erdia’ poema liburua plazaratu du

Ainhoa Sarasola

Susarekin eman du lana argitara. 64 soneto bildu ditu idazleak, eta aitortu du «adiktiboa» egin zaiola hamalaudunaren egituran barneratzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...