Albistea entzun

Sorturen legeztatzea. Balorazioa

Sortuk «berehala» ekingo dio alderdia eratzeko prozesuari

«Ezkerreko eta abertzale diren milaka herritarren etxea» izango dela diote sustatzaileek; «eraikitzeko dagoen etxea»

Erabakiak «legez kanporatzeen zikloa gainditzea» ekarri behar duela uste dute
Sorturen sustatzaileak eta babes helegitea aurkeztu zuten abokatuak, prentsaurrekoaren hotelera iristean.
Sorturen sustatzaileak eta babes helegitea aurkeztu zuten abokatuak, prentsaurrekoaren hotelera iristean. MARISOL RAMIREZ / ARGAZKI PRESS

Aitziber Laskibar Lizarribar -

2012ko ekainak 22 - Bilbo

Auzitegi Konstituzionalak Sortu alderdi politiko gisa inskribatzea baimendu eta biharamunean, lanean hasteko asmoa adierazi dute sustatzaileek. «Berehala ekingo diogu Sorturen prozesu eratzaileari», adierazi du Maider Etxebarria idazkari nagusiak, ikusmin handia izan duen prentsaurrekoan. Prozesua «herri eta auzo guztietan» egingo dela eta ezker abertzaleko kideek parte hartuko dutela azaldu du, eta Sorturen oinarri ideologikoak, ildo politikoa, antolakuntza eredua zein komunikazio politika eztabaidatu eta erabakitzea izango duela helburu. Prozesu eratzailea azaroan amaitzea espero dute, hauteskundeak aurreratzen ez badira behintzat. Bozak aurreratuko balira, hauteskundeen ondoren itxiko litzateke prozesua.

Sortzaile figura sortuko dutela ere iragarri du idazkari nagusiak; Sorturen bazkideak izango direla sortzaileak, eta «berehalakoan» ekingo diotela horiek biltzeari.

Gustura agertu dira Sorturen sustatzaileak Iñigo Iruin abokatuarekin egindako prentsaurrekoan. Legeztatzearen berri izan ondorengo «lehen balorazioan», erabakia Euskal Herriarentzat «oso berri ona» dela esan dute. Areago, Auzitegi Gorenak duela 15 hilabete alderdi gisa eratzeko debekuari «buelta eman» izana «herri oso baten garaipena» dela-eta, eskertu egin du laguntza.

Sortu legezko jo izanagatik beragatik, eta horrek esan nahi duenagatik azaldu dute «poza» sustatzaileek. Izan ere, Etxebarriaren esanetan, «hamar urtez luzatu den legez kanporatzeen zikloa behin betiko gainditzea suposatu behar du» erabakiak, eta «garai politiko berriari tresna zaharrekin» erantzutea amaitzea.

Hala ere, bada sustatzaileei «kezka eta ardura» eragiten dien zerbait: «Oraindik ere badaudela Espainiako estatuan sektore batzuk oinarrizko eskubideak urratzen jarraitzeko apustua egiten dutenak». Etxebarriaren ustez, «gatazka egoera batean iraun nahi duten sektoreak» dira horiek, «konponbide eta bake nahiei bizkar ematen dietenak».

Jarrera horiek irauli arazi nahi ditu Sortuk. Normalizazio politikoan eta bakegintzan aurrera egin. Eta, horretarako, Euskal Herriko politikagintzan parte hartzeko «konpromisoa» hartu du. «Milaka eta milaka euskal herritarren atxikimendua duen eragile bat gehiago bezala» jarduteko asmoa duela azaldu du; Sortu, ezkerreko eta abertzale diren milaka herritarren «etxea» izango dela; «eraikitzeke, partekatzeke eta dinamizatzeke dagoen etxea».

Bestetik, «Euskal Herriarekiko, zein nazio aitortza eta autodeterminazio eskubidearen aldarrikapenekiko konpromisoa» ere adierazi du Sortuk.

Konponbideari dagokionez, «bakean eta askatasunean oinarrituko den etorkizuna eraikitzeko» elkarrizketak abiatzeko apustua egin du. Halaber, egoera ekonomiko larria gainditzeko irtenbideak proposatzeko konpromisoa adierazi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alonsotegiko udaletxea, artxiboko irudi batean. ©MONIKA DEL VALLE / FOKU

Alonsotegiko alkate ohiarentzat zazpi urteko espetxe zigorra eskatu dute

Iosu Alberdi

Prebarikazioa egitea, dokumentuak faltsutzea eta dirua bidegabe erabiltzea egozten die fiskaltzak Aitor Santiestebani eta beste bost laguni
Espeleologoak Lezetxikiko sistema karstikoaren barruan aurkitutako tunelaren alboan. ©LEZETXIKIREN LAGUNAK

Adifek eta Gipuzkoako Aldundiak txostenak egin zituzten galeria kaltetuaren inguruan

Xabier Martin

Espainiako Garraio ministro Raquel Sanchezek ziurtatu du Lezetxikiko aztarnategiak ez duela «inolako katerik» izan AHTaren tunela dela eta.

Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra». PSE-EEk ez zuen PSNren iritzi bera izan duela sei urte; «gatazka baten teoria elikatzen» zuela iritzita arbuiatu zuen txostena.

Torturari buruz «oraindik asko» dagoela ikertzeko nabarmendu dute

Laura Pego eta Jeanette Ruiz Kriminologiaren Euskal Institutuko kideak, iaz landutako txostena eskuetan, Nafarroako Parlamentuan. Atzo eman zuten haren edukiaren berri. ©IÑIGO URIZ / FOKU

Torturari buruz «oraindik asko» dagoela ikertzeko nabarmendu dute Nafarroako Parlamentuan

Joxerra Senar

Kriminologiaren Euskal Institutuak bere txostena aurkeztu du Nafarroako Parlamentuan. Laura Pego ikerlariaren arabera, kasu kopurua «garrantzitsua» da, eta azterlana «amaitu gabe» dago oraindik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.