Albistea entzun

17. Korrika

Euskararen aldeko trumoia

Gasteizko kaleak bete ditu 17. Korrikak, euskaraz bizitzeko nahia lau haizetara oihukatu duten milaka lagunekin

Korrika, bizikletan eta irristailuz egin dute bidea gasteiztarrek, eguraldia lagun
Gasteizen ozena izan zen euskara babesteko aldarria.
Gasteizen ozena izan zen euskara babesteko aldarria. JUANAN RUIZ / ARGAZKI PRESS

Jon Rejado -

2011ko apirilak 15 - Gasteiz

Duela astebete itxi zuen Edurne Brouardek lekukoa, Donostian irakurriko den mezua barruan zuela. Ordutik, Trebiñun piztu zen alaitasuna berrituz eta indartuz joan da egunez egun, lekukoa eskuz esku igaro ahala. Korrikak Gasteiztik egindako bidea horren isla izan da. Euskararen aldeko oihu sendoa heldu zen Uribarri Ganboa aldetik, eta hiriburuak bozgorailu lana egin zuen, kilometroz kilometro oihua trumoi hots bihurtu arte.

Hogei ausart inguru heldu ziren Gasteizko atarira seiak hogei gutxiak aldera, lekukoa eskuan eta irribarrea ezpainetan. Txagorritxuko langileek eskuetan zutela sartu zen lekukoa Gasteizen, eta poliki-poliki tropela handituz joan zen: Batzuk korrika egiten, beste hainbat bizikletan.Izan ziren bidea irristailuekin egin zutenak ere. Lantokitik atera eta txalo egitera atera zirenak asko izan ziren. Mendizabala Institutuak gaztetasuna eman zion tropelari, eta suhiltzaileek lekukoa hartu zutenean haien kamioiaren sirenak euskalakarien oihuak lagundu zituen.

Hogeita hamar. Berrogei. Ehun. Aurrera egin ahala, gero eta pertsona gehiago gehitu zen Korrikara, eta oihuaren sendotasunak gora egin zuen. Abetxukuko kaleetan barrena parte hartzaile kopurua biderkatu zen. Tropela uzten zuen pertsona bakoitzeko, beste bi sartzen ziren, eta Lakua auzora heltzerako tropelaren atzealdean zeuden txirrindulariek nekez ikusten zuten furgoneta.

Arriaga, Arana, Salburua... Kilometroak aurrera egin ahala jendetza gora zihoan. Adin guztietako pertsonak bildu ziren, eta korrika egiteko moduan ez zeudenek leihotik edota errepide ondotik gogoz txalotu zuten Korrika. Pausoz pauso, atzerapen apur batekin, hirigunera gerturatuz joan ziren euskalakariak. Gasteizera oihu sendo bezala heldu zen aldarrikapena trumoi bihurtu zen tropela handitu eta hiriguneko kaleak estutu ahala, une hunkigarriak utziz.

Aiztogile kalea igaro ostean, korrikalari askok alde zaharreko tabernetara sartu ziren indarrak berreskuratzeko itxaropenarekin, euskalakari gehiagok haien tokia hartzen zuten bitartean. Ordea, alde zaharreko muinotik bertatik Gasteiztik agurtzen hasi zen Korrika. Hamasei kilometro zituen oraindik hiriburutik atera arte. Esku asko lekukoa hartu eta Donostiarako bidean mantentzeko. Dena den, ordurako Korrika hirigunetik kanporako bidea hartzen hasia zen.

Jundiz industrigunetik hainbat kilometro zituen zain oraindik Korrikak Iruña Okara heldu aurretik. Pabiloi artean oihuen oihartzuna ezberdin entzuten zen, hiriguneko zaratatik eta builatik urrun. Ordea, ordu gutxi batzuk lehenago hirigunean entzundako trumoiak Gasteizko kaleetan jarraitu zuen gau osoan, gelditu gabe, Donostiara bidean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ikasle bat Hernaniko Langile ikastolan sartzen, gaur goizean ©Jon Urbe / FOKU

Arabako, Bizkaiko eta Gipuzkoako eskola publikoetan greban daude gaur

Irati Urdalleta Lete

ELA, LAB eta Steilas sindikatuek deitu dituzte langileak grebara, Eusko Jaurlaritzaren Hezkuntza Legearen aurreproiekturen kontra egiteko.

Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela

Espainiako Polizia Gernikan (Bizkai), gaur, atxilotutako lagunarekin. ©EITB

Espainiako Poliziak gutxienez lagun bat atxilotu du Gernikan, «jihadismoa doktrinatzea» egotzita

Paulo Ostolaza

Auzitegi Nazionalak eman du atxiloketa agindua. Atxilotua aspaldidanik bizi zen Errenteria auzoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...