Albistea entzun

Kritika. Musikala

Bergaratik zetorren Olentzeroa

Jesus Mari Begoña -

2011ko abenduak 13

'Olentzero & Company'

Egilea: Oihan Vega. Musika: Oihan Vega eta Txemi Etxebarria. Musika zuzendaria: Txemi Etxebarria. Eszena zuzendaria eta dekoratuak: Valen Monux. Parte hartzaileak: Orkestra, Bergarako Orfeoia, Aritzeta Abesbatza, Bergarako Musika Eskolako Haurren abesbatza, Biraka Dantza taldea. Koreografia: Josu Mujika. Lekua: Bilboko Campos antzokian. Eguna: Abenduak 8.

Benetan txalogarria Bergara herriko jendeak —ehun pertsonatik gora— eta elkarte askok egin duten auzolana eta lortu duten emaitza estetikoa. Izan ere, oso konplexua da musikal generoko ekoizpen bat sortzea. Ez baita bat ere ohikoa gu bizi garen mundu harrapatzaile honetan Olentzerori musikal pop-rock bat egitea eta, gainera, hori arteagatik eta maitasunagatik egitea. Guri Zuberoan egiten diren Pastoralen auzolanaren espiritua gogorarazten digu. Baina musikala den adierazpen modernoari eta kanpotarrari atxikitzeko kemena eta gaitasuna behar da.

Eta kemena diogu ez bakarrik musikala muntatzeko, baizik eta Bilboko lehen emanaldian gertatu ziren soinu arazoak gainditzeko. Aipatutako soinu ezak eta zaratak hondatu egingo lukeelako beste edozein ikuskizun musikal. Hau da, soinuaren motorizazio ezak desoreka sortu zuelako: orkestraren bolumen indartsua alde batetik, eta abeslari gehienen soinu makala bestetik.

Bai publikoak, baita aktore eta abeslariek ere, aurrera egin genuen ikuskizunak merezi zuela pentsatuta. Baina soinu eskasiak ez gintuen Oihan Vegaren libretoa jarraitzeko betarik utzi. Ez gintuen Olentzero hibrido honen diskurtsoaren nondik norakoak ezagutzeko betarik utzi. Hala ere, sonorizazioak abesbatzen, orkestraren eta abeslari batzuen kalitatea asmatzeko zirrikituak zabaldu zituen.

Oier Arevalillo haurraren musikaltasuna, afinazioa eta aktorearen plantak Peruren rolean; Argiñe Agirrezabalen kantu moldea eta eskarmentua izeba gaiztoaren rolean; baita ikazkinen eta Danok Bat tailerraren eszena koralak, Txotxongiloak edoAne Zurutuzak cheerleader-aren rolean eginiko parodia ere.

Txemi Etxebarriaren partitura ona da, orkestrazioa aberatsa da eta orekatua dago. Ondo kontzertatu zituen 22 musikari eta bakarlariak eta bi abesbatza sendoak. Kanpotik datozen hainbat musikal profesionalek nahi izango lukete aipatuen genio artistikoa eskura izatea, baita herri baten adorea ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.