Albistea entzun

Kritika. Opera

Opera zaleen apoteosia

Jesus Mari Begoña -

2013ko urriak 22

'Rigoletto'

Kantariak: Leo Nucci, Elena Mosutz, Ismael Jordi. Bilboko Operaren Abesbatza. Musikariak: Bilbao Orkestra Sinfonikoa. Eszena zuzendaria: Emilio Sagi. Musika zuzendaria: Miguel Angel Lopez Martinez. Non: Bilboko Euskalduna jauregian. Noiz: Urriaren 19an.

Aspaldian ez dugu ikusi Bilbon hemengo opera zaleek erakutsi duten berotasuna—ohikoan hotz samar direnak— opera baten aurrean eta abeslari baten aurrean. Arrazoia? Giuseppe Verdiren Rigoletto —zeina 29 bider antzeztu izan duten Bilbon— , eta Leo Nucci baritonoaren kantu molde tradiziozkoa. Izan ere, baritonoak bufoiaren pertsonaiari egin dion hurbilpena —mendekuaren eta samurtasunaren artean—biribila izan da, halaber, tauletan dramatikoa eta nagusitasuna eszenaren kontrolean. Baina atera duen ahotsa erdi bolumenekoa da, ez dauka apenas tinbrerik, nabardurarik gabea, batzuetan fraseotik parlando-ra abiatzen zena. Baina bertako zaleek baritonoarenganako azaldu duten neurrigabeko begiruneak bultzatu du La vendetta izeneko cabaletta-ren bisa ematera, publikoaren eromena areagotuz. Guztiz arraroa den gertakizuna oraingo sasoietan! Aldiz, Elena Mosutz sopranoak eta Ismael Jordi tenorrak freskotasuna eta bel cantoa ondo menderatzen dutela azaldu dute ahotsaren bidez. Beraz, Errumaniako sopranoak lerro kantu gozoa, etengabeko messa di voce, fiato, portamento... erraztasunez eman ditu. Tenorrak beste aldetik, itxura egokia eta dotorezia haizeratu ditu taularen gainean, eta ahots koloretsua, nahiz eta hasierako beheko tesituran eta agudo batean azalezko arazoak izan ahotsaren kokapenari dagokionez.

Asko gustatu zaigu, era berean, Maria Jose Montielek Maddalenaren rolean hedatu duen ahots indartsu eta koloretsua. Miguel Angel Lopez Martinezek geldi samar eraman ditu pasarte batzuk, baina, orokorrean, ondo eraman du Bilbao Orkestra Sinfonikoaren joaldi verdiarra. Emilio Sagiren eszena minimalak ez dio askorik lagundu kontakizunari, eta lantegi baten moduko orubea zirudien, bufoiaren tragedia protagonistaren ahaleginaren gain utziz.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bertsolari Txapelketa Nagusiko finalaurrekoa, 2 itzulia: Bilbo

Bertsolariek hasi dituzte ariketa puntuagarriak Bilbon, azken finalaurrekoan

Olatz Enzunza Mallona

Sei bertsolari ari dira Bizkaia pilotalekuko oholtzan: Aitor Mendiluze, Amets Arzallus, Maddalen Arzallus, Jone Uria, Joanes Illarregi eta Saioa Alkaiza.

<b>Finala.</b> 2017ko Bertsolari Txapelketa Nagusiko finala, BECen. ©A. LOIOLA / FOKU

Txapelketa: zauri edo ukendu

Miren Mujika Telleria

Bilboko Bizkaia pilotalekua izango du azken geltoki Txapelketa Nagusiaren trenak. Ibilbide gorabeheratsua eginda, gaur helduko da hara. Kolpea edo poza izango da gaurko saioa bertsolarientzat, gaur erabakiko baita zein zortzi bertsolari arituko diren Nafarroa Arenako oholtzan.
Jon Sarasua idazlea, atzo, Donostian, <em>Harizko zubiak</em> liburuaren aurkezpenean. ©GORKA RUBIO / FOKU

Hizkuntza lankidetzaren kontrabandoa

Jone Bastida Alzuru

Jon Sarasuak Haitira, Pernambucora, Mexikora eta Tangerrera egindako bidaietako esperientziak eta gogoetak jaso ditu liburu batean: 'Harizko zubiak'. Pamielak atera du

Iñigo Etxezarreta abeslaria <em>Guretzat</em> diskoaren aurkezpenean, atzo, Bilboko Kafe Antzokian. ©MARISOL RAMIREZ / FOKU

Rockero izandakoen runbak

Olatz Silva Rodrigo

ETS taldeak 'Guretzat' diskoa kaleratu du. Ska eta rock doinuak alde batera utzi, eta beste hainbat musika estilo uztartu dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.