Olivier Assayasen azken filmak distiraz itxi du Cannesko Sail Ofiziala

Denboraren igarotzeaz mintzo da 'Sils Maria', eta Juliette Binoche aktoreak jokatu du protagonistaren rola

2014ko maiatzak 24 - Cannes

Proiektatu dituzte, jada, 67. Cannesko Zinemaldiko Sail Ofizialeko hemezortzi filmak. Olivier Assayas zinemagile frantziarraren azkeneko lana, Sils Maria, izan da azkena, eta lan horri txalo egin zioten, atzo. Pelikulak kontatzen du zinema izar batek nola aurre egiten dion denboraren igarotzeari. Juliette Binoche aktore frantziarrak jokatu du Maria Endersenen, protagonistaren, rola, eta, adituen esanetan, aurtengo zinemaldiko emakumezko aktore onenaren saria irabazteko hautagai nagusia da —2010ean ere eman zioten, Copie conforme egindako lanagatik—. Hain zuzen, gaur iluntzeko galan banatuko dituzte film onenaren Urrezko Palma eta gainontzeko sariak.

Sail Ofizialaren barruan eman zuten, aldi berean, Andrei Zvyagintsev errusiarraren Leviathan, eta hari ere txalo egin zioten familia baten tragedia gordinki erakusteagatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut