Batek, bizirik segitu nahi du; besteak, errematea eman

Polonia eta Errusia izango dira aurrez aurre gaur Varsovian. A multzoko lehen jardunaldia jokatuta, Errusia da lider, hiru punturekin. Poloniak, berriz, puntu bakarra du. Beraz, argi dago nork duen premia handiena: etxeko taldeak. Estreinakoan Greziarekin berdindu ondoren, poloniarrek ezin dute berriro huts egin, euren bidea espero baino laburragoa izatea nahi ez badute. Presio hori gutxi balitz bezala, aurrean sasoi betean iritsi den selekzio bat izango dute. Errusiak Txekiaren aurkako itxura ematen badu, akabo Poloniaren itxaropenak. Batek, bizirik jarraitu nahi du; besteak, ordea, errematea eman.