Albistea entzun

Durangoko 46. Euskal Liburu eta Disko Azoka. Kritika. Antzerkia / Dantza

Szenatokiak

Higa taldearen <em>Espazio hutsak</em> antzezlana.
Higa taldearen Espazio hutsak antzezlana. BERRIA

Agus Perez -

2011ko abenduak 9

Durangoko Azoka

Konpainiak: EliralE, Higa, Morritson eta Gartzia, Metrokoadroka, Karrika.

Lekuak: Durangoko eta San Agustin aretoa.

Egunak: Abenduak 5 eta 6.

Euskal Liburu eta Disko Azokaren harira zenbait emanaldi izan dira Durangon, eta haietariko lehena Euskal Kutur Erakundearen eskutik etorri zen Plateruena kafe antzokira. Pantxika Telleriak zuzendutako Gorpitz1 izeneko dantza lanak hainbat emanaldi izan ditu daborduko Iparraldean, denak ere aire zabalean, baina Durangokoa kafe antzokiko erdigunean egin zen, mahaiak eta aulkiak alboratuta eta bertan zeuden bezeroak ezusteko ikusle bihurtuta.

Izenburuak dioen bezala, gorputzak eta hitza elkartzen dira proposamenean, Mikel Ibargurenen olerkiak oinarritzat hartuta. Xede horretarako laukizuzen zuri bat paratu du Telleriak erdian, eta haren alboan aulki xume bat, bertan eseri dadin maitale abandonatuaren gogoetak esaten dituen aktorea. Egiatan, baina, mugimenduan ibiliko dira aktorea eta aulkia beste dantzariekin batera, laukizuzenean bertan eta inguruetatik, eta alboetako ikusleongandik hurbil, oso hurbil. Hurbiltasun horrek eta lau interpreteen maila eta engaiamendu ukaezinak itzelezko benetakotasuna eman zioten lanari Evilness taldearen rock indartsuarekin batera, eta ikusle guztien arreta bereganatu zuten, ezinbestean.

Biharamunean, Euskaldunon Egunkariaren jaiotza ospatzen dugun datan, lau antzezlan labur ekarri zituen EHAZEk San Agustin aretoko Szenatokia gunera. Emanaldiaren helburua, ordea, ez zen jatorrizko lanak osorik ematea, baizik eta euren laburpenak aurkeztea eta ikusleen jakingura piztea, tarteetako jan-edan estimagarriaren laguntzaz. Gaueko lehen piezaren ahalmen poetikoa —Higa antzerkiaren Espazio hutsak izenekoa— bere garaian jaso zen orriotan Donostiako Viktoria Club aretoan eman zelako, eta bigarrena —Morritson eta Gartzia: kultuzko antzezlana— norabide gizatiar eta garaikidetik ibili zen lagun alproja biren amodio malapartatuen kontura.

Dudarik gabe, Metrokoadroka sormen laborategiaren Arra, arraroa gaueko testurik kementsuena izan zen Iñigo Ortegaren antzezpen sendoaren eskutik eta baita ere Oier Guillanek gizontasunari buruz egindako gogoeta sakonari esker. Laugarren ekitaldian, azkenik, Durangoko Karrika talde amateurrak Lurra astinduz lanaren zati bat eskaini zigun. Antzezlanak Durangoko bonbardaketaren osteko egunak jasotzen ditu, eta alde zaharreko kaleetan estreinatu zen urriko gau batean Txotxe Anduezaren zuzendaritzapean. Oraingoan bere irudi plastikoen indarra eta herriko euskararen doinua dastatu genituen hogei minutuz, baina badirudi udaberrian emanaldi osoa eskainiko dutela ostera ere eta nik uste dut gertakizun seinalagarria izango dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koldo Biguri, Garazi Arrula eta Massimo Carlotto —pantailan—, gaur, liburuaren aurkezpenean. ©Iñigo Uriz / Foku

Italiaren erraiak, beltzez

Ane Eslava

Koldo Bigurik euskaratu du Massimo Carlottoren 'Agur, maitea, ikusi arte' nobela, eta Txalapartarekin argitaratu. Lanak Italiako boterearen eta kriminalitatearen arteko harremana islatzen du.

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.