Albistea entzun

Greba orokorra. Herrialdeak. Araba

Industria handiak bultzatu du lanuzte handia

Zortzi lagun atxilotu ditu Poliziak, eta 19 urteko gazte bat larri zauritu da ertzainekin izandako liskar batean
Gasteizko Andre Mari Zurian, sindikatu abertzaleen mobilizazioaren amaieran.
Gasteizko Andre Mari Zurian, sindikatu abertzaleen mobilizazioaren amaieran. RAUL BOGAJO / ARGAZKI PRESS

Ivan Santamaria -

2012ko martxoak 30 - Gasteiz

Grebaren aurkakoak izan ziren lanuztearen arrakasta egiaztatzen lehenak. 11:00ak baino lehen enpresetako hiru langiletik bi ez zirela lanera joan onartu zuen SEA Arabako Enpresaburuen Elkarteak. Industriak eta, batez ere, enpresa handiek gidatu zuten grebaren arrakasta Araban, baina, beste sektoreetan ere erantzuna oso zabala izan zen. Poliziak zortzi lagun atxilotu zituen, eta beste bederatziri desordena publikoak egotziko dizkie.

Erantzuna nabarmena zela iradokitzen zuen goizean goizetik industrialde nagusien egoerak. Jundizen lasaitasuna nagusi, ia zaratarik ez, kamioi eta furgoi ia bat bera ere ez, eta auto gutxi. Arabako enpresa nagusian, Mercedesen, katea geldirik zegoen. Sindikatuen arabera, hamar langiletik bederatzik bat egin zuten deialdiarekin. Betoñuko industrialdeak antzeko irudia utzi zuen. Michelinen ere erantzun zabala izan zuen grebak; %65-70 bitartekoa kalkulatu zuten antolatzaileek. Enpresen hiru laurdenetan baino gehiagotan langileen %70ek edo gehiagok bat egin zuen grebarekin, sindikatuek egindako zenbaketaren arabera.

Lan erreformaren kontrako mobilizazioa zabaltzeko ardura hartu zuten pikete ugarik. Lehen istiluak Tuvisa udal autobusen garajean gertatu ziren. Polizia piketeei oldartu zitzaien, pertsona bat atxilotu zuen, eta beste bat inputatu zuen. EHUk Gasteizen duen kanpusean ere ertzainek beste hiru lagun atzeman zituzten, «pintaketak egiteko asmoa» zutela argudiatuta.

Baina gertaera larriena goizeko bederatziak pasata jazo zen. Xuban Nafarrate 19 urteko gaztea larri zauritu zen, ertzainekin izandako liskar baten ondorioz. Bertsio kontrajarriak egon ziren. Nafarrateren lagunek adierazi zutenez, poliziek harengana jo zuten, lurrera bota eta jo egin zuten. Buruan pilotakada eman ziotela ere zabaldu zen. Herrizaingo Sailak, ordea, gaztea bere kasa erori zela ziurtatu zuen. Gertaeraren ondoren Nafarrate Santiagoko ospitalera eraman zuten, egoera larrian, garunean isuria zuela. Zainketa Intentsiboko Unitatean sartu zuten. Arratsaldez gaztea arriskutik kanpo zegoela adierazi zuten Osakidetzako iturriek. Desordena publikoak egotzi dizkio Herrizaingo Sailak.

Eusko Legebiltzarreko kanpoaldean ere izan ziren tirabirak. Ehunka lagun ganberaren aurrean bildu ziren, eta grebaren nahiz kapitalismoaren aurkako oihu egiten hasi ziren. Une horretan osoko bilkura egiten ari zen. Torlojuak, arrautzak, pintura pote bat eta beste objektu batzuk jaurti dituzte. Ondoren, bildutakoak sakabanatu zituen Ertzaintzak.

Ibilbidea, beteta

Eguerdiko manifestazioarekin goia jo zuen lanuzte orokorrak. ELA, LAB, ESK, EILAS, EHNE eta Hiru sindikatuen Bilbo plazan zuten hitzordua. Inguruko kale eta espaloiak jendez gainezka zeuden. Aspaldiko mobilizaziorik handiena izan zen Arabako hiriburuan: burua Andra Mari Zuriaren plazaraino iritsita zegoela, azken manifestariak oraindik ere Frantzia kalean ziren, irteeratik hurbil.

Goizeko eta arratsaldeko manifestazioetan istiluak egon ziren El Corte Ingles saltokiaren ondoan. Goizean pertsona bat atzeman zuen bertan poliziak eta arratsaldean beste bi.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Maria Txibite Nafarroako Gobernuko lehendakaria Maria Jesus Montero Ogasun ministroari begira. ©Iñigo Uriz / Foku

Estatuak 138 milioi itzuliko dizkio Nafarroari abenduan

Joxerra Senar

Hitzarmen Ekonomikoaren koordinazio batzordean Madrilek eta Iruñeak 2020rako 431 milioiko ekarpen garbia itundu dute, eta aurreko bi urteetako likidazioa Nafarroaren aldekoa da; aurtengoa ere «aldekoa» izatea espero da

Petroliontzi bat Gazpromen egoitza inguruan, San Petersburgon. ©ANATOLi MALTSEV / EFE

Errusiako petrolioari 60 dolarreko muga jarri dio Europako Batasunak

Iker Aranburu

Astelehenean jarriko du indarrean, hango petrolioa erosteko ia erabateko debekuarekin batera.

 ©Joxean Apeztegia

Industria eta kontsumoa apaldu egin dira urteko hirugarren hiruhilekoan

Iker Aranburu

Arabako, Bizkaiko eta Gipuzkoako ekonomiak gutxigatik egin dio izkin atzeraldiari: BPGa %0,1 hazi da bigarren hiruhilekotik hirugarrenera

Langile bat mahatsa biltzen, Arabako Errioxako upategi batean ©Jaizki Fontaneda (Foku)

Jaurlaritzak helegitea jarriko du Errioxako mahastien esklusibotasunaren aurka

Jokin Sagarzazu

Errioxako kontseilu arautzaileak Arabako Mahastiak sor-marka berriarentzat produzitzea debekatu nahi die beretzat lan egiten duten upategiei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.