Noiz sortua: 2012-06-03 00:30:00

CAF hazi egin da 2011n ere: %10 gehiago saldu du eta %13 gehiago irabazi

Beasaingo taldeak 5.036 milioi euroren eskariak ditu zorroan, bere historiako kopururik handiena

Aitziber Arzallus -

2012ko ekainak 3

Testuingururik zailenean ere zailtasunei aurre egin eta aurrera ateratzeko gai dela erakutsi du CAF Construcciones y Auxiliares de Ferrocarrilesek. Krisiak krisi, urtez urte hazi da Beasaingo tren fabrikatzailea. Iaz ere bai. Taldeak 1.725,1 milioi euroren salmentak egin zituen, 2010ean baino %10 gehiago, eta 146,2 milioi euro irabazi zituen, %13 gehiago. Emaitzok taldearen osasun onaren isla eta azken urteotan egonkortzeko egindako lanaren fruitu direla nabarmendu zuen Jose Maria Baztarrika presidenteak atzo, akziodunen batzarrean.

Taldearen finantza egoera oso ona dela adierazi zuen, 2011ren bukaeran altxortegian 321,7 milioi euro zituela. Hala ere, zuzendaritzak proposatuta eta aurreko urteetako ildoari jarraiki, borondatezko erreserba funtsean 55,7 milioi sartzea erabaki zuen batzarrak, «etorkizuneko helburuetarako lagungarria». Beste 36 milioi euro, berriz, dibidendutan banatuko dituzte, akzioko 10,5 euroko ordainsaria emanda.

Eskaera zorroa, beteta

Aurreko urteetako moduan, iaz ere eskaera eta kontratu mamitsu ugari iritsi ziren CAFen eskuetara, gehienak Euskal Herritik eta Espainiatik kanpoko merkatuetatik. Urte bukaeran, 5.036 milioi euroren eskariak zituen zorroan, inoizko kopururik handiena.

Guztiak zerrendatzea ezinezkotzat jota, iaz sinatutako kontratu garrantzitsuenak azpimarratu zituen Baztarrikak, akziodunen aurrean. Hiri inguruetarako pentsatutako Civity plataformari esker lortu dituen hirurak aipatu zituen aurrena: Italiako Friuli-Venezia-Julia eskualderako Trenitaliarekin egindakoa; Montenegroko trenbide enpresa publikoarekin egindakoa; Deustche Bahn enpresa alemaniarrarekin egindakoa. Azken horri esker, 400 tren egiteko kontratua lor dezake datozen hilabeteetan.

Horiez gain, eskaerak jaso zituen Turkiatik, Errumaniatik, Txiletik, Brasildik, AEBetatik... eta Zeelanda Berriko merkatuan sartzea lortu zuen.

CAFek iaz, batez beste, 6.926 laguni eman zien lana, 2010ean baina hamabi gutxiagori, baina 2009an baino ia 1.200 gehiagori.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Abian da itxialdiaren bigarren arindua

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Herritarrak Ermuan, farmazia batean ilara egiten. ©ANDONI CANELLADA / FOKU

Beste bi kutsatu eta sei hildako azken orduetan

Maider Galardi F. Agirre

Eusko Jaurlaritzaren azken datuen arabera, koronabirusaz kutsatutako beste bi kasu atzeman dituzte Bizkaian PCR proben bidez, eta sei lagun hil dira azken egunean. Guztira 1.717 proba egin zituzten EAEn, atzo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna