Albistea entzun

Gernikako bonbardaketaren 75. urteurrena

Autodeterminazioa bakerako formula gisa proposatu dute

Bonbardaketan «desagerrarazi nahi izan zituzten» ideien zilegitasuna aldarrikatu du Gernika Batzordeak
Gernika Batzordeak memoria aldarrikatzeko atzo Gernikan egindako ekitaldia.
Gernika Batzordeak memoria aldarrikatzeko atzo Gernikan egindako ekitaldia. MONIKA DEL VALLE / ARGAZKI PRESS

Oihana Elduaien -

2012ko apirilak 27

Bakea du helburu Gernika Batzordeak, eta autodeterminazioa proposatzen du bakea lortzeko formula gisa. Atzo, bonbardaketaren 75. urteurrenean ekitaldia egin zuten Gernikan bertan, eta orduan «desagerrarazi nahi izan zituzten» ideien zilegitasuna aldarrikatu zuten. Argi dute bonbardaketak «herri bat eta bertako jendea» baino gehiago suntsitu nahi izan zuela: «Herri bat sinbolikoki hiltzea, etsipenean eroraraztea, herri gisa zegokigun eta dagozkigun eskubideei behin betiko errenuntzia egitea eta ahanzturan murgiltzea. Herri bizi bati bere etorkizuna bahitzea».

Halakorik ez dela gertatu ohartarazi dute, ordea: «Gureak ziren hildakoak, gureak ziren oihuak eta malkoak, gureak sutan erre zituzten etxeak eta ondareak, gurea kaleak gorriz margotuta zituen odola. Baina faxismoak Gernikan egindako sarraskian ez zuen gure ortuetako lur emankorra ongarritu baino egin. 75 urte pasatu dira, eta bizirik gaude, hemen gaude. Herri honek zutik dirau».

11:00etan egin zuten ekitaldia. Sabin Ibazetak irakurri zuen testua, eta han bakerako dei argia egin zuen, «askatasuna bidelagun». Euskal herritarrek zer izan nahi duten erabakitzeko askatasuna izan behar dutela aldarrikatu zuen. Hala, «izateko eskubidea» ukaezina dela esan zuen: «Gu euskaldunak gara. Mundukide ditugun auzo eta urrunekoen aitortza eskatzen dugu».

Ibazetak nabarmendu zuen euskaldun izaera aldarrikatzeak ez duela sortzen eragozpenik elkarbizitzarako. «Euskal Herrian euskaldunak garela aldarrikatu behar izatea da askatasunaren eta begirune ezaren froga ukaezina», gaineratu zuen. Hala, aukera guztiek parekide eta libre lehiatzeko bermea izan behar dutela defenditu zuen.

Historia ez daukate ahazteko. Begirada atzera zuzenduz aurrera egiteko asmoa dute. Memoria aldarrikatu zuten, «gure ondoren etorriko direnek halaxe merezi dutelako, gure Gernikurteak ez daitezen 100 izan». Historiarekiko fideltasunaren beharra ere azpimarratu zuten, «memorian gorderiko oroigarriak baketan bizi ahal izango ditugun seinale».

Flandriako eta Herrialde Katalanetako lagunek ere hartu zuten parte ekitaldian. Aurrenek gogora ekarri zuten 1936ko gerratik ihes egindako ume batzuk Flandriaraino iritsi zirela. Bigarrenak, berriz, Euskal Herrian «benetako demokraziarik» ez dagoela salatu zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.