Albistea entzun

Kritika. Opera

'Luisa' handia

Jesus Mari Begoña -

2012ko urtarrilak 24

'Luisa Miller'

Egilea: Giuseppe Verdi.

Bakarlariak: Fiorenza Cedolins (sopranoa), Fabio Sartori (tenorra), Juan Jesus Rodriguez (baritonoa), Giovanna Lanza (mezzosopranoa), Riccardo Zanellato (baritonoa), Felipe Bou (baxua).

Musika zuzendaria: Riccardo Frizza.

Eszena zuzendaria: Denis Krief.

Lekua: Euskalduna jauregia.

Egilea: urtarrilak 21.

Bikoteek hasierako eszenetan izan zuten jarrera zalantzakorra ikusi ondoren, ez genuen uste emanaldiak jarraian izan zuen bikaintasuna izango zuenik. Baina hala izan zen. Giuseppe Verdiren obretan zubi-lana egiten duen emakume zapalduaren istorioa goi mailara jaso zuten azkenean. Eta horren adibide aitzindaria Szeged-eko orkestrak eman zuen oberturan Riccardo Frizza maisuaren eskuetan izan zen. Geroago, haiek bikain azaleratu baitzituzten Donizzeti eta Belliniren bel cantoa-ren eraginak hirugarren ekitaldian, Verdik asmatu zuen etengabeko diskurtso dramatikoarekin. Denis Krief eszena zuzendariaren lana, berriz, pixka bat motel geratu zen: izan ere, ikuspuntu minimalaren bitartez, antzokia antzokiaren barruan adierazi nahi zuen Schillerren tragedia erromantikoa antzezteko, eta diskurtso musikalaren sorbaldetara bota baliabide eskasak zituzten eszenak. Eta beharbada baliabide horiek errepikakorrak suertatu ziren operaren emanaldia aurrera zihoala, nahiz eta kubista itxura zuten panel ederrak eta argiztatze lanak primerakoak izan.

Bakarlari abeslariak eta Bilboko Operaren abesbatza —gizonezkoak zein emakumezkoak— oso ondo aritu ziren, arestian aipatu salbuespenak kenduta. Cedolins soprano lirikoak ondo gorpuztu zuen emakume kaltetuaren tragedia ziurtasunez eta teknikaz: coloraturak, filadoak, trinoak… daukan beheranzko vibratoak ez zion kalterik egin bere abestaldi dramatikoari. Fabio Sartori tenorraren debuta guztiz estimatua izan zen, eta berak eraman zuen gaueko txalokadarik handiena, Quando le sere al placido arian. Asko gustatu zitzaigun Juan Jesus Rodriguez baritonoaren kantu lerro sendoa eta tesitura guztietako tinbre polita. Giovanna Lanza mezzosopranoak ahots ederra eta eskarmentua erakutsi zituen. Riccardo Zanellato eta Felipe Bou baxuek zuzen atera zituzten beren konpromisoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ruper Ordorika eta Joseba Sarrionandia, astelehen iluntzean, Bilboko Kafe Antzokiko Kutxa Beltza aretoan. ©ARITZ LOIOLA / FOKU

Gaur konta daitezkeen kantuak

Olatz Enzunza Mallona

Ruper Ordorika eta Joseba Sarrionandia askotariko gaiez solasean aritu dira 'Huntaz eta hartaz' emanaldian, elkarrekin izandako bizipenak ardatz hartuta. Astelehen iluntzean hasita, bihar arte egingo dituzte saioak, Bilboko Kafe Antzokiko Kutxa Beltza aretoan. Agortuta daude sarrera guztiak.

Maria Schneider, 2019an, Donostiako Jazzadiaren aurkezpen batean. ©Gorka Rubio / Foku

Maria Schneider eta Brad Mehldau Gasteizko Jazzaldian izango dira

Mikel Lizarralde

Uztailaren 3tik 8ra egingo den 46. jaialdirako baieztatu dituzten lehenengo bi artistak dira.

Eneko Barberena idazlea, <em>Suak erreko ez balu</em> eleberria eskuan, Oñatin (Gipuzkoa). ©JON URBE / FOKU

Mendizale kiskalien beltza

Uxue Rey Gorraiz

'Suak erreko ez balu' nobela argitaratu du Eneko Barberenak, Txalapartarekin. (H)ilbeltza sormen beka irabazita eman du. Istorioak Aezkoan izaniko mendi sute bat du abiapuntu

Irene Larrañaga, <em>Insuladas</em> erakusketaren egilea, Donostiako Aquariumeko Nautilius aretoan. ©ANDONI CANELLADA / FOKU

'Insuladas', irla diren emakumeak

Miren Mujika Telleria

Bakarrik bizi diren andreak dira Irene Larrañagaren ‘Insuladas’ erakusketako protagonista.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...