Lars von Trierren 'Nymphomaniac' osorik estreinatuko dute Berlinalen

Lars von Trierrek Nymphomaniac pelikularen bertsio luzea, bost ordukoa, estreinatuko du Berlingo zinema jaialdiaren hurrengo aldian —otsailaren 6tik 16ra—. «Berlinaleko publikoak aurreneko bolumenaren bertsio ez moztua ikusteko aukera edukiko du», adierazi zuen, herenegun, Dieter Kosslic jaialdiaren zuzendariak. Zinema aretoetara heldu aurretik ere, zinemagile danimarkarraren filma zeresana ematen ari da, sexu esplizituko hainbat eszena dituelako, besteak beste. Kontatzen du 50 urteko emakumezko ninfomano (Charlotte Gainsbourg) baten historia. Pelikularen lehen bi zatiak asteazkenean estreinatuko dira, eta hilabete batzuetara, berriz, osorik.