Albistea entzun

Greba orokorra. Herrialdeak. Nafarroa

Iparretik hegoraino, aspaldiko geldialdirik handiena

Industrian ia erabatekoa izan da greba, eta herri handienetan eta hiriburuko kaleetan asko nabaritu da
Informazio piketeak Iruñeko Mapsa enpresa itxi nahian.
Informazio piketeak Iruñeko Mapsa enpresa itxi nahian. IDOIA ZABALETA / ARGAZKI PRESS

Joxerra Senar -

2012ko martxoak 30 - Iruñea

Aurreko deialdietan ez bezala, argazki homogeneoa osatu zuen atzoko grebak Nafarroa osoan. Iparretik hegoraino, oso erantzun handia izan zuen. Industrian, masiboa izan zen. Iparraldean erabatekoa, eta Iruñerrian eta hegoaldean, %90etik gorakoa, sindikatuen arabera. Gutxieneko zerbitzuak kenduta, administrazio publikoan ere jarraipen «oso handia» izan zuen grebak, nahiz eta gobernuak adierazi hiru funtzionariotik bi lanean zirela. Iparraldeko herri nagusietan (Altsasu, Lekunberri, Leitza, Bera, Elizondo), denda ugarik itxi zituzten ateak; hegoaldean, berriz, (Lizarran, Tafallan eta Tuteran...) arrakasta handia izan zuen.

Betelun, esaterako, Wisco enpresako langile gehienek uko egin zioten lanera joateari, urte askoan lehen aldiz. Soilik bulegoetako langileak joan ziren lanera. Greba egunagatik, enpresak labea itzali egin zuen. Horregatik, ostirala ere jai hartu eta astelehenera arte lanera ez agertzeko esan zieten zuzendariek langileei.

Aspaldiko partez, Iruñeko kaleak hutsik esnatu ziren atzo. Erdigunean, denda bakan batzuk ireki zituzten, baina grebaren erantzuna handia izan zen bai auzoetan eta bai inguruko herrietan. Aspaldiko greba handiena.

El Corte Ingles sinbolo bat da grebalarientzat, eta hura ixten saiatu ziren. Espainiako Gobernuko ordezkariak hara igorri zituen poliziak eta istiluak egon ziren goizean zein arratsaldean. Poliziek eta foruzainek, gainera, hainbat oldar egin zituzten Txantrean, Barañainen, Donibanen, Bigarren Zabalgunean... Espainiako Gobernuaren arabera, bi pertsona atxilotu zituzten Txantrean eta Atarrabian, goizean. Gainera, 07:00etatik hasita Iruñean barrena bizi piketea egin zuten ehun lagun inguruk; udaltzainek 50 lagun identifikatu eta 35i bizikleta kendu egin zieten.

Sektore publikoan, oso erantzun zabala izan zuen grebak. ELAren arabera, «azken hamar urtetako lanuzte handiena izan da», batez ere Hezkuntzan, Osasunbidean eta tokiko zein estatuko administrazioetan. LABen arabera, Osasunbidean zein eskola publikoan eta ikastoletan zerbitzu publikoetako langileek soilik lan egin zuten. Nafarroako Unibertsitate Publikoan liburutegia itxi zen eta administrazioko langileak geratu egin ziren. Correos erabat geratu zen lurralde osoan. Hiri garraioan zein herri arteko garraioa erabat gelditu zen, zerbitzu minimoak salbu. Geltokietan apenas zegoen jarduerarik. Eraikuntzan, obra handiak erabat gelditu ziren: Erripagaina, Soto Lezkairu, Mutiloa...

Zaurituak eta kalteak

Arratsaldeko manifestazioan, Iruñean, istiluak izan ziren parte hartzaileen eta polizien artean. kalte materialak eragin zituzten inguruko negozioetan eta zaurituak ere izan ziren.

Grebaz gain, aipagarriak izan ziren ere Nafarroa osoan zehar egindako manifestazioak. Iruñean, eguerdikoak milaka eta milaka iruindar bildu zituen. Bere neurrian, manifestazio jendetsuak izan ziren baita ere Tafalla, Altsasu, Lizarra eta beste herri batzuetan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Maria Txibite Nafarroako Gobernuko lehendakaria Maria Jesus Montero Ogasun ministroari begira. ©Iñigo Uriz / Foku

Estatuak 138 milioi itzuliko dizkio Nafarroari abenduan

Joxerra Senar

Hitzarmen Ekonomikoaren koordinazio batzordean Madrilek eta Iruñeak 2020rako 431 milioiko ekarpen garbia itundu dute, eta aurreko bi urteetako likidazioa Nafarroaren aldekoa da; aurtengoa ere «aldekoa» izatea espero da

Petroliontzi bat Gazpromen egoitza inguruan, San Petersburgon. ©ANATOLi MALTSEV / EFE

Errusiako petrolioari 60 dolarreko muga jarri dio Europako Batasunak

Iker Aranburu

Astelehenean jarriko du indarrean, hango petrolioa erosteko ia erabateko debekuarekin batera.

 ©Joxean Apeztegia

Industria eta kontsumoa apaldu egin dira urteko hirugarren hiruhilekoan

Iker Aranburu

Arabako, Bizkaiko eta Gipuzkoako ekonomiak gutxigatik egin dio izkin atzeraldiari: BPGa %0,1 hazi da bigarren hiruhilekotik hirugarrenera

Langile bat mahatsa biltzen, Arabako Errioxako upategi batean ©Jaizki Fontaneda (Foku)

Jaurlaritzak helegitea jarriko du Errioxako mahastien esklusibotasunaren aurka

Jokin Sagarzazu

Errioxako kontseilu arautzaileak Arabako Mahastiak sor-marka berriarentzat produzitzea debekatu nahi die beretzat lan egiten duten upategiei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...