Albistea entzun

Garazin bigarren itzulian ez aurkeztea erabaki du EH Baik

Mailharroren (Forces 64) eta Maitiaren (PS) artean eginen da bigarren itzulia; EH Baik ez du ez bat ez beste hobetsi
Dominique Bacho, igandean, boza emateko paperarekin.
Dominique Bacho, igandean, boza emateko paperarekin. GAIZKA IROZ

Jenofa Berhokoirigoin -

2011ko martxoak 23 - Baiona

Azkenean, nahiz aukera ukan, EH Bai ez da bigarren itzulian aurkeztuko Garaziko kantonamenduan. Atzo arratsaldean jakinarazi zuen erabakia Dominique Bachok, EH Baiko zerrendaburuak.

Hori dela eta, Frantxua Maitia (PS) eta Jean-Marie Mailharro (Forces 64) hautagaien artean hautatu beharko dute boto-emaileek. Departamendu mailako «politikerian» sartzeko gogorik ez dutelako, bigarren itzulitik erretiratzeko hautua egin dute. Ez dute, haatik, hautagairik hobetsi.

«Talde erabakia» izan dela zehaztu du, «luzaz» eztabaidatu ondoren «adosturikoa». Guztira 50 bat lagunek dute EH Bairen kanpaina eraman Garaziko kantonamenduan. Bertan, AB, Batasuna, EA eta alderdi batean ez direnak egon dira.

Bachok zehaztu duenez, politika «ez da igande gauean bukatuko», eta «luzera» begiratu behar dela uste du. Hain zuzen, hauteskundeak abertzaleen proiektua esplikatzeko eta aitzinarazteko uneak direla dio, eta «egunez egun eramaten den lana» inportanta dela erantsi du.

Lehen itzulian 672 boz bildu zituen EH Baik, botoen %18,93, eta hirugarren indarra atera da EH Bai. «Pozik» agertu da Bacho, bai emaitzak, bai eraman den kanpaina «dinamikoa» ikusiz.

Maitia, abertzaleei begira

Lehen itzulian bozen %34,37 bildu ditu Maitiak, eta Mailharrok, berriz, %23,72. Baina jakinik Forces 64 eta UMPren artean elkar sostengatzen dutela, eskuinak lortu %15,44 bildu behar lituzke Mailharrok, baita EAJ bozkatu duten 204 bozetarik batzuk ere. Hori ikusiz, abertzaleen bozak biltzea espero du Maitiak. Hain zuzen, ezkerrean, abertzaleak salbu, Ezkerreko Frontea du bakarrik eta hauek %1,79 lortu dute soilik.

2004an, lehen itzulian bozen %38,41 bildu zituen Maitiak, eta bigarrenean % 52.75, abertzale andana batek haren alde bozkatu zuelako. Azken 40 urteetan Intxauspe eskuinekoa izan zen kontseilari, eta hori aldatzeko gogoa bazen. Aldi honetan, azken mandatuan Maitia izan da kontseilari, eta agertu da zer egin duen eta zer ez. Adibidez, Baterak eskatu bezala, Euskal Lurralde Elkargoari buruzko eztabaida Pauera eramateko engaiamendua ez du hartu. Baliteke abertzaleen bozak ez biltzea 2004an bezain erraz. Igandean iraganen da bozketen bigarren itzulia.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Juan Alberto Belloch, artxiboko irudi batean. ©Javier Cebollada / EFE

Juan Alberto Belloch: «Galindo, borrokalari antiterrorista bezala, onena zen»

Iosu Alberdi

Justizia eta Barne ministro ohiak adierazi du bera izan zela Galindori jeneral kargua ematea ahalbidetu zuena, nahiz eta jakin atxilotuak torturatzen zituela.

Eba Blanco (erdian), azaroko biltzarrean, idazkari nagusi izendatua izan ondoren. ©JAVIER ZORRILLA / EFE

EAren primarioak errepikatzeko aginduaren aurkako helegiteak aztertuko dituzte

Xabier Martin

Espainiako Auzitegi Gorenak EAren eskaera tramitera onartu du, eta alderdiaren primarioak errepikatzea agindu zuen probintzia auzitegiaren epaia balekoa den ala ez erabakiko du.

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.