Albistea entzun

Larrepetit

Txapelaz harago

Eneko Bidegain -

2013ko abenduak 13

Azken arnasa itsasoari begira eman nahi dion Sebastian Lizaso, zezenaren larrutik kantatu duen Xabier Euzkitze, burua gehiegik gutxiegi erabiltzen dutela maisuki ohartarazi duen Andoni Egaña, herriaren zauriak lurpean ez ixtea desio duen Jexux Mari Irazu edota Himalaiako postaleko muxuak hotz hartu dituen Maialen Lujanbio gogoan iltzaturik geldituko zaizkigu betirako. Bertso txapelketa nagusiko finalek horrelako perlak eta gehiago eskaintzen dizkigute. Badakigu BECeko saioan irria, zirrara edota malkoak eraginen dizkiguten bertso bikainak entzunen ditugula, eta hori da saioaren arrakastaren giltzetariko bat.

Beste giltzetariko bat da oasi baten moduan bizi dugula egun hori, euskara baita hango hizkuntza bakarra. Eta hori bera oxigeno handia da egunerokoan erdararen zamaren azpian bizi behar duen jendearentzat bereziki. Han elkartzen garen guztiak errotik euskaltzaleak eta kulturzaleak gara, hitzaren soiltasunak eta, aldi berean, konplexutasunak biltzen gaituzte: Amets Arzallusek magia hori ederki deskribatu zuen gisan, «su horren bueltan dantzan gabiltza».

Lehia, sailkapena eta puntuazioak bigarren mailakoak dira. Txapela ere bai. Nahiz eta batzuek harriduraz hartzen duten finalistek ez agertzea txapeldun izateko gogorik, ez dut dudarik bertsolariak zintzoki mintzo direla hori baieztatzen dutenean. Finalean kantatzea bera eta finalean edota kanporaketetan bertso ahanztezin batzuk botatzean jasotzen duten txalo zaparrada eta esker ona sari handiak dira. Publikoak txalo, «aupa» eta ohore handien erdian hartuko du zortzikotea, merezimendu osoz.

Jende anitz sarrerarik gabe gelditu izana penagarria da haientzat, baina arrakasta hori bera pozgarria da bertsolaritzarentzat. Hala ere, txapelketa hain ikusgarri egin duten argi horiek ez diete itzalik egin behar urte osoko saioei eta bertsoaren ibilbideari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.