Euskotren ligako finaleko lehen jardunaldia jokatuko dute gaur Zarautzen

Euskotren ligaren amaieraren hasiera izango da gaurkoa, aurtengoari dagokionez. Zarautzen, 18:00etatik aurrera, finalaren aurreneko jardunaldia jokatuko dute lau traineruk: Galiziak, Getaria-Tolosak, San Juanek eta Zumaiak. Bihar izango da bigarren estropada, eta gaurko eta biharko denborak batuko dituzte garailea zein den erabakitzeko; Zarauzko estropadako garaileak irabaziko du Euskotren liga. Galizia eta Getaria-Tolosa dira faboritoak.