Albistea entzun

Barreak, hotzikarak eta asperdura Berlinaleko bosgarren egunean

Jaialdiko txalo zaparrada beroena jaso du Hans Petter Molanden western giroko 'Kraftidioten' pelikulak

Agentziak -

2014ko otsailak 11 - Berlin

Amaitu zen Kraftidioten (In Order of Disappearence) pelikularen emanaldia, eta Berlingo Palast aretoan bildutakoek txalo zaparrada beroa eskaini zioten Hans Petter Molanden azkeneko lanari. Berlinaleren 64. aldiko Sail Ofizialaren barruan eman zuten atzo, eta ikus-entzuleek gustura barre egin zuten Eskandinavian girotutako western ukituko filmarekin. Tui Na (Blind Massage) txinatarrak hotzikarak eragin zituen, eta Alain Resnais 91 urteko zinemagile laudatuaren Aimer, boire et chanter-ek asperdura, beste ezeren gainetik. Ez dirudi, ez, Ye Louren eta zuzendari frantziarraren filmak Urrezko Hartza irabazteko hautagai sendoak direnik.

Molandenak, berriz, zinemazaleak asebete zituen. Elurra kentzeko makina batzuen arduradun eredugarria da gizon bat —Stellan Skarsgard—, baina goizetik gauera zeharo aldatuko du bere jarrera. Haren semea hilko dute, eta hori mendekatu beharra dauka. Zeregin horretan herriko gangsterrarekin eta serbiarrez osatutako talde baten buruararekin —Bruno Ganz— egingo du topo. Istorioak bestelako kontakizun bat osatzeko osagaiak dauzka, baina zinemagile norvegiarrak bere herrialde propioaz trufatzeko baliatu du, adibidez, Coen anaien eta Quentin Tarantinoren lanei keinu nabarmenak eginez disimulurik gabe. Filmatzen ari zirela pasatu zuten hotza nabarmendu zuen, atzo, prentsaurrekoan, Skarsgardek.

Tui Na-ren proposamena bestelakoa da. Masaje egoitza baten bueltan eraiki du istorioa zuzendariak. Baina badu bitxikeria bat toki horrek: bai jabea eta bai langileak ere itsuak edo erdi itsuak dira. «Saiatu naiz zinemara eramaten maitemindutako itsu baten etsipena, bere buruari edertasuna zer ote den galdetzen dionean», esan zuen Lou Yek prentsaren aurrean. Hori adierazteko, batzuetan poetikoki eta besteetan modu esperimentalean jokatu du. Pelikulako lehen eszenan emakumezko bat ageri da zain jugularra urratzen, betirako itsu geratuko dela jakin ondoren. Txinako zinemaren aldeko apustua egin du aurten Dieter Kosslick Berlinaleko zuzendariak, eta oraindik ere hango beste bi pelikula emango dituzte Sail Ofizialaren barruan

Resnais Mon oncle d'Amérique (1980) eta Smoking/No Smoking-en (1993) egileak, besteak beste, antzezlan bat eraman du pantailara, eta horretarako hiru senar-emazte heldu kokatu ditu planoaren erdian. Beste pertsona batek, zazpigarrenak, behinola hiru emakumezkoak gorteiatu zituen gizonezkoak, batuko ditu bikoteak. Komedia bat da Resnaisena, baina filmatutako antzerkia izateak lanari mesede gutxi egiten diola adierazi dute adituek.

Aldaketak Cannesen

Cannesko jaialdia maiatzaren 14tik 25era egingo da, baina sari banaketa azken egunean egin beharrean, 24ra egingo dute, 25an Europako Parlamenturako hauteskundeak direla eta.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

<b>Finala.</b> 2017ko Bertsolari Txapelketa Nagusiko finala, BECen. ©A. LOIOLA / FOKU

Txapelketa: zauri edo ukendu

Miren Mujika Telleria

Bilboko Bizkaia pilotalekua izango du azken geltoki Txapelketa Nagusiaren trenak. Ibilbide gorabeheratsua eginda, gaur helduko da hara. Kolpea edo poza izango da gaurko saioa bertsolarientzat, gaur erabakiko baita zein zortzi bertsolari arituko diren Nafarroa Arenako oholtzan.
Jon Sarasua idazlea, atzo, Donostian, <em>Harizko zubiak</em> liburuaren aurkezpenean. ©GORKA RUBIO / FOKU

Hizkuntza lankidetzaren kontrabandoa

Jone Bastida Alzuru

Jon Sarasuak Haitira, Pernambucora, Mexikora eta Tangerrera egindako bidaietako esperientziak eta gogoetak jaso ditu liburu batean: 'Harizko zubiak'. Pamielak atera du

Iñigo Etxezarreta abeslaria <em>Guretzat</em> diskoaren aurkezpenean, atzo, Bilboko Kafe Antzokian. ©MARISOL RAMIREZ / FOKU

Rockero izandakoen runbak

Olatz Silva Rodrigo

ETS taldeak 'Guretzat' diskoa kaleratu du. Ska eta rock doinuak alde batera utzi, eta beste hainbat musika estilo uztartu dituzte

Gartxot komikigileak sortutako <em>Barruan</em> komikiko irudietako bat. ©GARTXOT / ATARAMIÑE

Kartzelak kolpatutako literatura bat

Iñigo Astiz

2002tik 2017ra bitartean kaleratutako liburu kolektiboetako testu hautaketa bat, Jose Mari Sagardui 'Gatza'-ren memoria liburu bat, eta Gartxoten 'Barruan' komikia kaleratu ditu Ataramiñek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.