Albistea entzun

Donostiako 59. Zinemaldia. Kritika. Sail Ofiziala

Pasioen antzezlana

G. Agote -

2011ko irailak 24

'Las razones del corazón'

Zuzendaria: Arturo Ripstein. Gidoia: Paz Alicia Garciadiego. Aktoreak: Arcelia Ramirez, Vladimir Cruz, Plutarco Haza, Patricia Reyes Spindola. Herrialdea: Mexiko. Iraupena: 119 min.

Berriro ere Bovary andreak bisita egin dio Donostiako Zinemaldiko sail ofizialari. Gustave Flauberten eleberri ezagunaren gainean gaurkotze arriskatua egin du Arturo Ripstein zinemagileak, eta muturrera eraman du bere ikuspuntu pertsonala.

Testuari lehentasuna emanda, antzezlan baten gisako eszenaratze baten bitartez eraiki du istorioa zuzendariak: etxebizitza, pasilloa, ezkaratza eta ganbara. Eszenatoki itogarri horren barruan, maitale izan duen musikariak pasiozko harremanarekin segitzeari uko egin ondoren gatibu sentitzen da Emilia.

Atalez atal, hainbat pertsonaia agertzen dira Ripsteinek plano luzez filmatu duen taularen gainean: ohiko bizimodua nahi duen alaba, emaztea oraindik maite duen senar otzana, sexu grina ase nahi duen bizilagun koldarra, Disneyworldera bidaia prestatzen ari den auzoko errealista…

Horien guztien erdian, Emiliaren huts existentziala dago, pasioari galgarik jarri ezinean. Askotan bakarrizketen bitartez emanen du emakumeak bere nahigabearen berri, beste batzuetan ondoan dituenekin liskartuko da, bere egoera desesperatuari aterabide bat ezin aurkituz.

Arrazoia alboratuta, bihotzarekin begiratzeko aldarria da Las razones del corazón filma. Halaxe jokatu beharko du ikusleak ere, pelikula zail honen aurrean. Zailtasuna ez dago kontatzen duena ulertzeko bereziki konplikatua izatean. Kasu honetan, zailtasun nagusia pelikulara ikuslearen hurbiltzeko moduan dago.

Bihotz-begiekin ikustea lortzen duenak gozatuko du zinemagile mexikarraren proposamen ausartarekin. Baina halakorik gertatu ezean, luze eta askotan artifiziala eginen da haren pelikula.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MARISOL RAMIREZ / @FOKU

Berriro ere topagunea da

Ainhoa Sarasola

Iazko etenaren ondotik, aurrez aurrekoa izatera itzuli da Durangoko Azoka, eta, edukiera mugarekin, jendez bete da berriro ere Landako Gunea. Txandaka joan dira sartzen bisitariak, pilaketarik gabe

 ©ARITZ LOIOLA / FOKU

«Nahikoa lan izan dugu atzerakadari eusten»

Iñigo Astiz

Loiola, festara etorri, eta kulturak harrapatu zuen bere lehen Durangoko Azokan, eta Del Campo sormenerantz bultzatu du pandemiak. Landakon ezagutu dute elkar.

Nerea Ibarzabal bertsolaria, atzo, Bizkaiko Bertsolari Txapelketako hirugarren eta azken finalaurrekoan, Larrabetzun. ©JAIZKI FONTANEDA / FOKU

Begirada guztiak finalera begira

Olatz Enzunza Mallona

Nerea Ibarzabalek irabazi du Bizkaiko Bertsolari Txapelketako hirugarren eta azken finalaurrekoa. Horrekin batera, erabakita geratu da finalisten zerrenda

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.