Albistea entzun

Gernikako bonbardaketaren 75. urteurrena

Herritarren aktibazioa eskatu dute nazioen independentzia lortzeko

Erabakitzeko eskubideaz mintzatu dira Euskal Herriko, Kataluniako, Flandriako eta Eskoziako ordezkariak

Independentziaren bidean herrien arteko harremanak estutzea gakotzat jo dute
Autodeterminazioaz mintzatzeko eta European Partners for Independence aurkezteko atzo, Gernikan, egin zen mahai ingurua.
Autodeterminazioaz mintzatzeko eta European Partners for Independence aurkezteko atzo, Gernikan, egin zen mahai ingurua. MARISOL RAMIREZ / ARGAZKI PRESS

Aitziber Laskibar Lizarribar -

2012ko apirilak 26 - Gernika

Lortu daiteke. Areago, lortuko dute. Hala diote estaturik gabeko nazioetako ordezkari independentistek. Gero eta gertuago ikusten dute ametsa. Mamituagoa. Baina autodeterminazio eskubidea gauzatu eta independentzia eskuratzeko, herritarren aktibazioa beharrezko dela ohartarazi dute. Lanketa gizarteratu, zabaldu behar dela. Herrien arteko harremanak estutu eta lan komuna saretuta, lortuko dutela ziur dira Eskoziako, Flandriako, Kataluniako eta Euskal Herriko ordezkariak. Lan horretan dabil Europa mailako Independentziarako Partaidetza Herritarra (EPI) ere. Nork bere esperientziak azalduta ondorioztatu zuten hori lau herrietako ordezkariek Gernikan, Gernika Batzordeak antolatutako mahai inguruan.

Estaturik gabeko nazioak eta erabakitze eskubidea izenburupean egindako mahai ingurua aurkezterakoan, Europako hainbat herrik autodeterminazio eskubidea gauzatzeko dituen aukerei buruz minatzatu zen Martxelo Otamendi BERRIAko zuzendaria: «Espektatiba handia du Eskoziak, ezaguna da Flandrian dagoen independentzia gosea eta Katalunian soberanismoak izan duen suspertzea». Autodeterminazioa gauzatzeko ahalmena duten estaturik gabeko nazioen «klub esklusiboan» sartzeko «ondo kokatuta» daude guztiak, Otamendiren hitzetan.

Kataluniar batek kontatu zuen, lehenengo, bere esperientzia: Wellcome Mr. president... to the state of Catalonya sareko ordezkari Joan Vivesek. «Sistema autonomikoak porrot egin du», esan zuen ezer baino lehen. «Espainiako arkitektura legalak ez die herritarren nahiei erantzun». Gainera, alderdiak ez direla nahi horiei erantzuteko gai agerian geratu dela dio. Hori ikusi duela Katalunian, batez ere duela bi urte Estatut-a aldatzearen defentsan milioi bat pertsona kalera aterata ere «politikariek ezer gertatu ez balitz bezala» jokatu zutenean.

Egoera horrek burujabetzarako nahia areagotu zuela dio. Ondorioz erreferendumaren aldeko mugimendua sortu, eta galdeketa praktikoak egiten hasi ziren, beharrari. Harro dago emaitzarekin: urte eta erdian Kataluniako 750 udalerritan egin dira galdeketak. Milioi bat herritarri galdetu zaio erabakitzeko aukeraz, eta baiezkoa eman du gehiengoak.

Herritarren ekimenen indarra agerian utzi du praktikak. Vivesen hitzetan datorren urtean egingo diren hauteskundeetan erreferenduma izango da alderdiek programetan izango duten gai nagusia. «Mobilizazio handi eta handiak eskaera transbertsal bihurtu duelako» lortu da hori, Vivesen ustez.

Steven Vergauwen flandriarrak, bere herriaren egoeraren berri eman du. Belgikako egoera eta antolamendu korapilatsuan nahastuta egonik, independentzia aldarrikatu du demokraziaren izenean: «Belgika ez da demokrazia bat: gehiengoak ez du gehiengoa ordezkatzen». Estatuan dauden administrazio ugarietan, flandriarren ordezkaritza ez dela gainontzekoen balio berekoa salatu du. «Independentzia agendan dagoen aukera indartsuena izatea normala da», ondorioztatu du.

Christopher Whitek bideo konferentziaz egin du hizketaldia Eskoziatik. Erreferenduma lortu badu, herritarrei helarazi zaien mezu nagusia baikorra izatea lortu delako izan dela seguru dago. 2011ra arte independentziaren alde zeudenak gutxiengoa zirela azaldu du, baina desberdintasunak aintzat ez hartzeak nortasun berezitua agerian utzi duela. 2014rako dute erreferendumerako data eta independentzian nola bizi lantzen ari dira.

Angel Oiarbidek Nazioen Mundua sarearen sorreraren berri eman du. Idiazabalen abiatutako ekimenak herritarren gaitasuna agerian utzi duela adierazi, eta herritarrak sentsibilizatzeko deia egin du; baita 2014an Eskoziak sortuko duen «tsunamiaren indarra» baliatzera ere.

EPI sareko Anna Arqueek independentziaren aldeko gizarte mugimendua aktibatzera deitu du. Sarea Europan autodeterminazio eskubidearen kontzientzia zabaltzeko lanean ari da, eskubidearen zio demokratikoan indar eginda. Gaia Europa osoko agendan sartzen laguntzeko eskatu du, sarean jarduteko gonbitea eginda.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.