Albistea entzun

Bilboko Udalak Cabacasi egin dion omenaldian justizia eskatu du alkateak

Gazte Athleticzaleari bizitza «injustuki» kendu ziotela esan du Aresok.

Gurasoek hunkituta eskertu dute omena: «Haren falta sumatzen genuen»
Cabacasen gurasoak, alkatea erdian eta Goirizela, Urrutia eta Kalparsoro alboan dituztela, aurreskuaren unean.
Cabacasen gurasoak, alkatea erdian eta Goirizela, Urrutia eta Kalparsoro alboan dituztela, aurreskuaren unean. M. RAMIREZ/ ARP

Aitziber Laskibar Lizarribar -

2015eko martxoak 28 - Bilbo

Ondo gogoratuko dute atzoko eguna Iñigo Cabacasen senideek aurrerantzean. Oroimenean iltzatuta geratuko zaie, ziur aski. Hiru urtez itxaroten egon diren aitorpen ofiziala jaso dute Bilboko Udalaren aldetik. Hitz goxoak, babesa, berotasuna eta maitasuna. Esker onak ere bai alkatearen ahotik. Are, eredugarri aritu direla ere esan die alkateak. Beste garai batzuetako erresuminak apaldu dira, eta bare joan da omenaldia Bilboko udaletxeko aretorik ederrenean, Arabiar aretoan. Gizatiarra izan da ekitaldia. Ibon Areso alkateak berak esan bezala, «sentimenduz betetakoa». «Solemnea baina ez protokolozkoa». Emozioz bete ditu aitortzak gurasoak.

Cabacasen senidez, lagunez, udaleko ordezkariz eta politika alorreko pertsonaz betetako Arabiar aretora Areso alkatearen eta Ibone Bengoetxea alkateordearen ondoan sartu dira Manu Cabacas eta Fina Lizeranzu, duela hiru urte Ertzaintzaren gomazko pilota batek hil zuen Athleticeko zalearen gurasoak. Familiaren abokatu gisa ari den Jone Goirizelaia haien atzean sartu da. Juan Kalparsoro EAEko Auzitegi Nagusiko fiskalburua ere bai. EAJren EBBko presidente Itxaso Atutxa. Athleticeko presidente Josu Urrutia eta Jose Angel Iribar. Aretoan zain zirenek, txalo artean hartu dituzte gurasoak. Horien artean ziren, besteak beste, Julen Arzuaga EH Bilduren legebiltzarkidea eta Rafa Sainz de Rozas Arartekoko kidea.

Dantzariak aurreskua eskaini die gurasoei. «Oso ondo. Dena oso ondo», zioen amak ahapeka, urduritasunarekin hizketan ari zela konturatu ere egin gabe.

Xuabe hasi, eta gertuko hitzaldia egin du Areso alkateak. Elkartasunezkoa. Ulerkorra. «Ez dago munduan seme-alaba baten galera baino min handiagorik. Konpondu ezin den hutsunea da; sekula betetzen ez dena. Baina horrekin bizitzen ikasi behar da».

Erantzun gabeko galderak

Cabacasen heriotzatik ia hiru urte igaro diren arren, oraindik «galdera asko erantzun barik» daudela aitortu du alkateak, eta horiek «ahalik eta arinen» argituko diren esperantza azaldu du. Gurasoek horren beharra dutela, eta argitzea dela «edozein herri garatuko justizia sisteman eskatu daitekeen gutxiengoa».

Athleticeko zale gazteari bizia «injustuki eta bat-batean» moztu zitzaiola esan du. Eta gurasoei, elkartasun mezua helarazi die: «Gogoratu zuen ondoan gaituzuela behin betiko justizia egin dadin. Familiak auziari buruzko ebazpena argituta egotearen kontsolagarria behar du».

Elkarbizitzarako «eredu»

«Eskerrak» ere eman dizkie Cabacasen senide, lagun eta gertukoei, gertatutakoa gertatuta izan duten «jarreragatik eta mendekurik gabeko elkarbizitzarako ereduagatik». Gurasoak are gehiago hunkitu dituen hitzak gaineratu ditu: «Zuen handitasunagatik pentsa dezakegu Iñigo ere pertsona handia zela».

Udalaren izenean oroimen plaka gurasoei eman ondoren, gaztearen aitak hartu du hitza ekitaldiak gurasoei eragin dien «poztasuna» azaltzeko: «Haren falta sumatzen genuen, eta pozik gaude egin delako». Omenagatik «betirako eskertuta» egongo direla esan, eta bai antolatzaileei bai bertaratutakoei esker beroak eman dizkie.

Iñigo Gogoan egitasmoaren elastikoa soinean zuela izan da Cabacasen aita. Ama ere bai, justizia eskatzen duen eta semearen irudia duen beste elastiko argiago batekin. Bilduko zinegotziak ere elastiko horiekin egon dira ekitaldian, eta gaztearen lagunak, justizia eskatzen duten itsasgarriekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gure Esku-ren aurkezpena Baionan ©Berria

Pirinioetako Bidean parte hartzera deitu dute Baionan

Ekhi Erremundegi Beloki

Ipar Euskal Herriko hainbat pertsona ezagunek babestu du Gure Esku-k Kataluniako beste plataforma batzuekin batera antolatutako ekimena

Gure Eskuren agerraldia urtarrilaren 29an, uztailaren 2ko egitasmoa aurkezteko. ©Marisol Ramirez / Foku

Aragoiko presidenteak dio uztailaren 2an ez duela onartuko «zaborrik» Pirinioetan

Jon O. Urain

Gure Esku-k eta Kataluniako eragile batzuek mobilizazioa dute uztailaren 2an; asmoa da Pirinioetako 300 bat tontor argiztatzea.

Josu Urrutikoetxea, 2020an, Parisen, BERRIArentzat ateratako argazki batean. ©Eñaut Castagnet

Espainiako Auzitegi Nazionalak epaiketarako data jarri dio Josu Urrutikoetxeari: 2024ko urtarrila

Maddi Ane Txoperena Iribarren

1987an Zaragozako Guardia Zibilaren kuartelaren aurka egindako atentatua leporatuta epaituko dute, urtarrilaren 9an, 10ean eta 11n. 2.354 urteko kartzela zigorra eskatuko diote.

Pedro Sanchez, gaur goizeko saioan, Espainiako Kongresuan. ©JUAN CARLOS HIDALGO / EFE

Sanchezek ukatu egin du Espainiako Poliziak eta Guardia Zibilak Pegasus softwarea dutela

Iosu Alberdi

Kataluniako Gobernuarekin eta ERCrekin hitz egiteko prest agertu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...