Albistea entzun

Urtarrilaren 10eko mobilizazioa isila izango da, eta pankartarik gabea

Giza eskubideen alde dauden herritar guztiei egin nahi die lekua Sarek, sigla eta ideologiak gaindituta.

Parte hartzaile bakoitzak argi bat eramango du eskuetan, eta denek batera piztuko dute
Sareko kideak, atzo, euskal kulturako hainbat kiderekin batera, Donostian.
Sareko kideak, atzo, euskal kulturako hainbat kiderekin batera, Donostian. JUAN CARLOS RUIZ / ARP

Aitziber Laskibar Lizarribar -

2014ko abenduak 13

Giza eskubideen alde dauden mota guztietako pertsonak urtarrilaren 10ean Bilbon izatea nahi du Sarek; norberaren sigla eta ideologiaz gain eskubide guztiak errespetatu behar direla defendatzen dutenak euskal presoen eskubideen aldeko mobilizaziora joatea. Aldarria ozen entzutea lortu nahi du. Lau haizeetara zabal dadila, mundu osoan: bake jokaleku egonkor bat eraikitzeko euskal presoen korapiloa askatzea beharrezkoa dela ikusarazi nahi du, eta herritarrek horixe eskatzen dutela.

«Beste argazki bat» baino gehiago lortu nahi du urtarrileko protestan. «Argi» erakutsi nahi dute euskal gizarteak espetxe politika aldatzea nahi duela. Hain zuzen, argia erabiliko dute horretarako. Parte hartzaile bakoitzari argi bat eramateko eskatuko diote, eta, une jakin batean, guztiak batera pizteko.

Protestariak elkartzen direnean izango da hori. Izan ere, Bilboko bi gunetatik aterako da mobilizazioa, 17:30ean: Casillatik eta udaletxetik. «Sakabanaketaren aurpegi lazgarria bere larruan bizi dutenek» abiatuko dute protesta bi leku horietatik: presoen senideek; Bizkaikoek eta Arabakoek Casillatik, eta Gipuzkoa, Nafarroa zein Ipar Euskal Herrikoek, udaletxe aurretik. Zabalburura abiatuko dira guztiak, eta han elkartuko. «Zabalburun, ekitaldi xume baten bidez, 'argi dugu!' ozen azalaraztea proposatzen dugu», adierazi dute Teresa Toda eta Agus Gorbea Sareko kideek, ekitaldiaren nondik norakoen berri emateko agerraldian.

Mobilizazioa isila izango dela jakinarazi dute, eta pankartarik ez duela izango. Leloa Now! Euskal Herrira! izango da. Egitura horrekin, sentsibilitate guztietako pertsonentzako lekua dagoela nabarmendu dute antolatzaileek. Are, seguru daudela askotarikoa eta handia izango dela mobilizazioa. Hori hala izan dadin laguntzeko eskatu dute.

Hortaz, antolatzaileei ez zaie gustatu EAJk ez duela protestan parte hartuko esan izana. Ulertu ere ez dute ulertzen, jeltzaleek esana baitute sakabanaketaren aurka daudela. Edozein moduz, zuzendaritzak protesta babestu ez arren, EAJko kide asko espero dituzte Bilbon.

Urtarrila baino lehen, halere, hainbat ekitaldi egingo ditu Sarek presoen eskubideak errespeta daitezela eta sakabanaketa amaitu dadila eskatzeko. Gaur, esate baterako, Gasteizen «lurrikara» sortzeko deia egin dute. 18:30ean abiatuko da protesta, Babesgabetuenetik, Astindu, mugitu, dispertsioa amaitu! leloarekin. Florida parkean amaituko da mobilizazioa.

Gaur bertan, beste ekitaldi batzuk antolatu ditu Sarek Hondarribian. 16:00etatik aurrera, grafitiak, haur jolasak, pailazoak, kontzertuak eta beste izango dira, Soroetako frontoian.

Etxarri Aranazko Sarek, berriz, preso, iheslari eta deportatuei «legez dagozkien eskubideak» aldarrikatzeko Sakanan martxan jarriko duen egitasmo baten berri emango du.

Eusko Jaurlaritza ere mintzatu da presoen inguruan. «Terrorismoari aurre egiteko Espainiako Estatuan onartu diren zenbait salbuespen lege ez dira bat etorri oinarrizko eskubideekin», esan zuen atzo Josu Erkoreka bozeramaileak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alfredo De Migue Gasteizkol auzitegira sartzen, 2018an. ©JAIZKI FONTANEDA / FOIKU

Haziren txosten batek dio De Miguel kalera zitekeela Gorenaren zain egon gabe

Xabier Martin

Eusko Jaurlaritzaren fundazioko kudeatzailearen txosten batek ohartarazi zuen bazeloa modua  Arabako EAJko bigarrena izan zena kaleratzeko, haren zigorra berretsi arte itxaron gabe. Eusko Legebiltzarreran igorri dute agiri hori.

Alonsotegiko udaletxea, artxiboko irudi batean. ©MONIKA DEL VALLE / FOKU

Alonsotegiko alkate ohiarentzat zazpi urteko espetxe zigorra eskatu dute

Iosu Alberdi

Prebarikazioa egitea, dokumentuak faltsutzea eta dirua bidegabe erabiltzea egozten die fiskaltzak Aitor Santiestebani eta beste bost laguni

Espeleologoak Lezetxikiko sistema karstikoaren barruan aurkitutako tunelaren alboan. ©LEZETXIKIREN LAGUNAK

Adifek eta Gipuzkoako Aldundiak txostenak egin zituzten galeria kaltetuaren inguruan

Xabier Martin

Espainiako Garraio ministro Raquel Sanchezek ziurtatu du Lezetxikiko aztarnategiak ez duela «inolako katerik» izan AHTaren tunela dela eta.

Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra». PSE-EEk ez zuen PSNren iritzi bera izan duela sei urte; «gatazka baten teoria elikatzen» zuela iritzita arbuiatu zuen txostena.

Torturari buruz «oraindik asko» dagoela ikertzeko nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...