Albistea entzun

Eliseoko atea jotzeko emaitza

Pe a Corsica koalizio abertzaleak botoen %45,3 lortu ditu Korsikako Legebiltzarrerako bozen aurreneko itzulian. Parisi «mezu sendoa» bidali diotela nabarmendu du Simeoni zerrendaburuak
Jean-Guy Talamoni Pe a Corsicako kidea, lehengo astean, koalizioaren jarraitzaile batzurekin.
Jean-Guy Talamoni Pe a Corsicako kidea, lehengo astean, koalizioaren jarraitzaile batzurekin. OLIVIER SANCHEZ / EFE Tamaina handiagoan ikusi

Igor Susaeta -

2017ko abenduak 5

«Korsikak mezu sendoa helarazi dio Parisi: bakea eta demokrazia nahi ditu, uharte aske bat eraiki», nabarmendu zuen Gilles Simeoni Pe a Corsicako zerrendaburuak, herenegun gauean. Izan ere, Korsikako Legebiltzarrerako hauteskundeen lehen itzulian bozkatu zuten korsikarrek —datorren igandean izango da bigarren itzulia—, eta, aurreikuspenak betez, koalizio abertzaleak, autonomiaranzko bidean sakondu asmo duenak, botoen %45,3 bereganatu ditu. Emaitza horrekin, Eliseoko atea jotzeko moduan dira nazionalistak. «Denon artean bilatu behar dugu irtenbide politiko bat», gehitu zuen Simeonik. 2015eko legebiltzarrerako bozetan ere nazionalistak nagusitu ziren —historian lehendabiziko aldiz—, eta orduz geroztik Frantziako Gobernuak ez du negoziatzeko gehiegizko borondaterik erakutsi.

234.227 korsikarrek zuten bozkatzeko aukera, eta 54.000 boto lortu ditu, oraingoan, Corsica Libera alderdi independentistak eta Femu a Corsica autonomistak osatutako koalizioak; duela bi urte baino 20.000 gehiago. Gainontzekoen emaitzak askoz ere apalagoak izan dira. Bigarren indarra eskuineko erregionalistak izan dira (%14,97); hirugarrena, kontserbadore zentralistak (%12,77); eta laugarrena, Frantziako Gobernuaren pentsamendutik gertuen dagoen koalizioa (%11,26).

Core In Fronte ezkerrezko mugimendu independentistak botoen %6,69 bereganatu ditu, eta, hortaz, %5eko langa gainditu duenez, bigarren itzulirako beste zerrenda batekin bat egiteko aukera edukiko du. Paul-Felix Benedetti buru duen hautagaitzak, baina, ez du horretarako asmorik.

2018ko urtarrilaren 1etik aurrera estatus berria izango du Korsikak, lurralde kolektibitatearena, eta ganbera berrirako 63 legebiltzarkideak hautatzeko dira bozak. Boto subiranistak gehiengo osoa lortu du lehen itzulian. Halere, badaude aldeak bi proposamenen artean, eta, ziurrenik, horregatik ez dute bat egingo. Pe a Corsicak nahi duena da hiru urteren buruan autonomia estatusa bereganatu, hori hamar urteren buruan garatzeko. Core in Fronterena muturrekoagoa da, 2032rako autodeterminazio erreferendum bat planteatzen baitu.

Gai gakoak

Bigarren itzulia falta da lehen itzuliko emaitza onak baieztatu ahal izateko. Horregatik, Pe a Corsicari botoa emateko eskatu du Jean-Guy Talamoni zerrendako bosgarrenak, Corsica Liberako buruak. «Negoziazioei ekiterakoan legitimitatea edukitzeko». Eta hartu-eman horietan, «gai gakoak», Talamonik berak adierazi bezala, hiru izango dira: «Gure hizkuntzaren koofizialtasuna, egoiliar estatusa gure bozkatzaileak babesteko, eta presoen amnistia».

Baina helburu horiek lortzeko ahaleginean, subiranista izan ala ez, korsikar guztiei mintzatu zitzaien Simeoni, joan den igande gauean: «Korsikar guztion artean eraikiko baitugu eraiki nahi dugun Korsika». Eta azken urteotan bozetan lortutako emaitzek bultzada eman diote Pe a Corsicako buru autonomistak aipatzen duen Korsika sortzeko ahaleginari. Izan ere, 2014ko udal hauteskundeetan emaitza onak lortu zituzten nazionalistek. 2015eko eskualdekakoetan garaipena erdietsi zuten, eta joan den ekainean, Frantziako Legebiltzarrerako egindakoetan, ordezkaritza atera zuten, lehen aldiz.

Hain zuzen ere, 2014an atera zen klandestinitatetik FLNC Korsikako Nazioa Askatzeko Frontea, eta, hainbat adituren iritziz, horrek zerikusia du bozkatzaile nazionalisten kopuruan gertatutako gorakadan; baita uharteko eskuinaren eta ezkerraren diskurtsoaren berritasun gabeziak ere.

Eliseoko atea jotzeko botoak bildu dituzte abertzaleek. Horretarako are legitimitate handiagoa edukitzeko aukera dute hurrengo igandean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manifestarak, Alemaniako Datteln hiriko ikatz lantegi baten aurrean protestan, joan den maiatzean. ©FRIEDEMANN VOGEL, EFE

NBE: «Oraindik klima hondamendirako bidean gaude»

Gorka Berasategi Otamendi

Nazio Batuen Ingurumen Programak gaur aurkeztu duen txostenaren arabera, estatuek hartu dituzten azken konpromisoak urrun daude klima aldaketa bortitz bat saihesteko behar direnetatik. 2030erako isuriak erdira murriztu beharko liratekeela ohartarazi dute.

Erizain bat gizon bati txerto dosi bat jartzen, Johannesburgon (Hegoafrika). ©Kim Ludbrook / Efe

Afrikako Batasunak izurriaren aurkako 110 milioi txerto dosi jasotzeko akordioa egin du

Igor Susaeta

Moderna etxearekin egin du ituna kontinenteko 55 herrialde biltzen dituen elkarteak, AEBetako Gobernuak bideratuta. Afrikan, oraingoz  herritarren %5,23ri jarri dizkiete txertoaren bi dosiak.

Sudango Khartum hiriburuan atzo izandako protesta baten irudia. ©STRINGER / EFE

Militarrek esan dute trantsizioaren «bidea zuzentzen saiatzen» ari direla

Ander Perez Zala

Al-Burhanek adierazi du Sudanen ez dela estatu kolperik izan, eta azaldu du «laster» gobernu berri bat izango dela; Kontseilu Subiranoarentzat, hark du «autoritate legitimoa» oraindik ere. Armadak gutxienez zazpi lagun hil ditu manifestazioetan.

Sudango Kontseilu Subiranoa osatu duten bi sektoreen ordezkariak, 2019ko udan, gobernabide ituna sinatzen. ©EFE

Botere borrokan kateatuta

Ander Perez Zala

Sektore militarraren eta zibilaren arteko tirabira Sudango Kontseilu Subiranoa osatu zenetik egon da. Nola edo hala aurrera jarraitu dute, tentsioak eztanda egin duen arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Igor Susaeta

Informazio osagarria